Быыбардаан тахсан истэххинэ, сытыы-хотуу волонтер кыыс таһырдьа манаан туран, “Конституцияҕа уларыйыыларга сөбүлэһэбин диэн куоластаатыҥ дуу, сөбүлэспэппин диэн дуу?” диэн ыйытар эбит. Ааккын-суолгун ыйыппат, хаартыскаҕа түһэрбэт.
Edersaas.ru
Алина Слепцова, естественнэй наукалар институттарын 2-с кууруһун устудьуона:
— Устудьуоннары волонтер быһыытынан үлэлииргэ көрдөспүттэригэр, биһиги сөбүлэспиппит. Мин аан бастаан волонтердуубун, онон кыратык долгуйабын. Дойдубутугар улахан суолталаах тэрээһиҥҥэ кыттыһарбыттан, кыратык да туһалыырбыттан үөрэбин. Киһи син баар, бастакы күн буолан, сорох учаастактарга аҕыйах быһыылаах. Сорохтор эппиэттииртэн аккаастаналлар, ол кинилэр бэйэлэрин бырааптара, онон ситиһиилээх күнү баҕара хаалабыт.
— Элбэх киһи кэлэн ааһар, ыарыыга сыстыам диэн куттаммаккын дуо?
— Сыстыһар куттал баар, ол эрээри биһиэхэ харыстанар маллары биэрэллэр, миэрэлэри тутуһабыт, чугаһаабакка, ыраахтан туран кэпсэтэбит. Таһырдьа буолан, салгыннаах, тыаллаах. Онон барыта этэҥҥэ буолуо диэн эрэнэбин.
Ангелина Васильева, “Саха сирэ” хаһыат, edersaas.ru
Ааптар түһэриилэрэ.