УФСИН үлэһитэ Бүтүн Арассыыйатааҕы гиирэ күрэхтэһиитигэр ситиһиилэннэ

Сэтинньи 17-19 күннэригэр Улан-Удэ куоракка Арассыыйа үтүөлээх спорт маастара Сергей Леонов бирииһигэр ыытыллыбыт Бүтүн Арассыыйатааҕы гиирэ күрэхтэһиитэ буолан ааста. Күрэхтэһиигэ 17 Арассыыйа эрэгийиэниттэн 300-тэн тахса спортсмен кыттыыны ыллылар.

edersaas.ru

68 киилэҕэ накаастабылы толорор федеральнай сулууспатын конвой отделын үлэһитэ Владимир Оленов Саха Өрөспүүбүлүкэтин хамаандатын аатыттан гиирэни уһун циклга өрө анньыыга ситиһиилээхтик кииристэ. Кини 32 киилэлээх гиирэлэри 45-тэ өрө анньан иккис миэстэни ылла, уонна Арассыыйа спордун маастарын толордо. 

Турнир түмүгэр, Владимир норуоттар икки ардыларынааҕы кылаастаах спорт маастара нуорматын толорору ситиһиэм диэн санаатын үллэһиннэ.