2016 сыллаахха Нам улууһун Партизан нэһилиэгэ чөл олохтоох тирэх нэһилиэк статуһун ылыаҕыттан ыла, бу аатын чиэстээхтик сүгэр.
Ол курдук, олохтоох дьаһалта баһылыгын солбуйааччы Полина Скрябина бэлиэтииринэн, кулууп дьиэтигэр 12 куруһуок үлэлиир. Спортивнай саалаҕа 7 секцияҕа нэһилиэк дьоно барыта кэриэтэ кэлэн дьарыктанар. Спорт бары көрүҥнэрин нэһилиэккэ тарҕатааччылар — ыччаттар.
Саҥа дьыллааҕы сынньалаҥ күннэригэр, тохсунньу 2 күнүттэн, спортсаала аана сабыллыбакка, күнү быһа тигинэччи үлэлии турар. Кэрэхсэбиллээҕэ баар, чөл олоҕу нэһилиэккэ кулууп дириэктэрэ Семен Алексеев уонна спортсаала салайааччыта Борис Романов бэйэлэринэн холобур буолан көҕүлүүллэр.
Елена ПОТОЦКАЯ, «Саха сирэ» хаһыат, edersaas.ru
+1
+1
+1
+1
+1
+1
+1