Уһук Илин ипотекатынан 16,5 млрд. солкуобайдаах кирэдьиит бэриллибит
«Икки бырыһыаннаах Уһук Илин ипотеката» бырагыраама олоххо киирбитэ аҕыйах ый буолла эрээри, олус көдьүүстээҕэ уонна нэһилиэнньэ өйөбүл маннык көрүҥэр наадыйара көһүннэ.
edersaas.ru
Биллэрин курдук, бу бырагыраамма ааспыт күһүн ыытыллыбыт Уһук Илин бэһис экэнэмиичэскэй форумугар Саха Өрөспүбүлүкэтин Ил Дархана Айсен Николаев этии киллэриитинэн ылыллан, бигэргэммитэ. Ол кэмтэн ыла баара-суоҕа сыл аҥаара эрэ ааста. Түмүк хайдаҕый?
Уһук Илиҥҥэ уонна Арктикаҕа киһи хапытаалын сайыннарыы Ааҕыныстыбатын генеральнай дириэктэрин солбуйааччы Кирилл Миронов иһитиннэрбитинэн, Уһук Илин федеральнай уокурук үрдүнэн 16,5 миллиард солкуобай суумалаах 400,5 тыһыынча кирэдьиит дуогабара оҥоһуллубут. Дьон бу бырагырааманан кыбартыыра атыылаһалларыгар кирэдьиити уон биир баан биэрэр. Соторутааҕыта өссө үс тэрилтэ бырагыраама усулуобуйатынан дьиэ тутуутугар кирэдьит биэриитин саҕалаабыт.
Раиса Сибирякова, «Саха сирэ» хаһыат, edersaas.ru