«Уһук Илин» бириэмийэ виртуальнай көрсүһүүлэрэ буолуоҕа...
Олох-дьаһах - Төлкө

«Уһук Илин» бириэмийэ виртуальнай көрсүһүүлэрэ буолуоҕа

В.К. Арсеньев аатынан «Уһук Илин» литературнай бириэмийэ быйыл иккис төгүлүн ыытыллыа. Онно анаммыт виртуальнай көрсүһүүлэр, төгүрүк остуоллар ыам ыйын 26 күнүттэн Приморскай кыраайтан саҕаланыахтара.

edersaas.ru

Аан бастаан дьүүлүүр сүбэ чилиэннэрин кытта пресс-кэмпириэнсийэ буолуоҕа. Манна кимнээх дьүүллүүр сүбэҕэ киирбиттэрин биллэриэхтэрэ. Ол кэнниттэн, Уһук Илин эрэгийиэннэригэр барыларыгар ZOOM платформаҕа төгүрүк остуоллар онлайн-эрэсииминэн ыытыллыахтара. Быһа эпиир премияарсеньева.рф саайтка уонна PrimaMedia информационнай былаһааккаларыгар ыытыллыахтара.

Төгүрүк остуолларга улахан суруйааччылар, култуура министиэристибэтин бэрэстэбиитэллэрэ, эрэгийиэннээҕи Суруйааччылар сойуустарын салайааччылара, кинигэ кыһаларын, үөрэх тэрилтэлэрин үлэһиттэрэ кыттыахтара.

Төгүрүк остуоллар ыытыллар күннэрэ:

Ыам ыйын 26 күнүгэр – Приморье кыраайа;

Бэс ыйын 2 күнүгэр – Магадан уобалаһа уонна Камчатка;

Бэс ыйын 9 күнүгэр – Хабаровскай кыраай уонна Еврейскэй автономнай уокурук;

Бэс ыйын 11 күнүгэр – Бурятия уонна Забайкалье кыраайа;

Бэс ыйын 16 күнүгэр – Амур уобалаһа уонна Чукотка уокуруга;

Бэс ыйын 17 күнүгэр – Саха Өрөспүүбүлүкэтэ.

Санатар буоллахха, былырыын бу бириэмийэҕэ саха суруйааччылара улахан ситиһиилэммиттэрэ. Ол курдук, ХИФУ филологияҕа факультетын суруналыыстыка кафедратын сэбиэдиссэйэ Олег Сидоров “Максим Аммосов” кинигэтэ – “Уһун проза” номинацияҕа, Александра Агафонова “Сказочная Якутия” кинигэтинэн – “Оҕо прозата” номинацияҕа финалга киирбиттэрэ.  Саха суруйааччыта Анатолий Слепцов кыайыылаахтартан биирдэстэринэн буолбута. “Быков мыс” кэпсээнэ “Кылгас проза” номинацияҕа бастыҥынан ааттаммыта.

Ангелина Васильева, «Саха сирэ» хаһыат, edersaas.ru

Хаартыска: yakutia-media.ru

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

4 + тринадцать =