Коронавирус дьаҥын тарҕаппат туһуттан уонна доруобуйаны харыстаан дьиэҕэ хааччахтанан олорор кэмҥэ, оҕо саадын иитиллээччилэрэ интэриниэт ситиминэн үөрэнэллэр.
Дьокуускайга 39 №-дээх «Ромашка» уһуйаан оҕолоругар уруһуйга эбии үөрэхтээһин педагога Любовь Федорова:
—Оҕолорго биһиги, педагогтар, харантыын кэмигэр иитии-үөрэтии үлэтин интэриниэт ситимининэн тиһиктээхтик ыытабыт. «Сатабыллаах илиилэр» куруһуокка сылдьар оҕолорго саастарынан көрөн, араас дьарыктар ыытыллаллар. Холобур, төрөппүттэрин кытта көмөлөөн оҕолор пластилинынан, кумааҕыны кырыйан, сыһыаран араас кыылы-сүөлү, көтөрү-сүүрэри, сөбүлүүр оонньуурдарын оҥороллор, бэриллибит сорудахтары толороллор. Маннык дьарыктар кырачааннары сайыннараллар. Оҕо билиитэ-көрүүтэ хаҥыыр. ону-маны илиитинэн сатаан оҥоро үөрэнэр. Онон оҕолор дьиэҕэ да олорор кэмнэригэр, туһалааҕынан дьарыктаналлар, — диэтэ.
Хаартыскаҕаларга: «Ромашка» уһуйаан иитиллээччилэрэ пластилинтан оҥоһуктара.