Тырааныспар тиэхиньикумун устудьуона Роман Петров Арассыыйаҕа «I вице-мистер” аатын сүктэ

Ааптар: 
Бөлөххө киир:

Бу күннэргэ “Мистер Россия Universe 2018″  национальнай куонкурус түмүктүүр түһүмэҕэр, Саха сирин аатыттан Тырааныспар тиэхиньикумун устудьуона Роман Петров уонна Намнааҕы педагогическай колледж устудьуона Минтимир Замятин  кыттыыны ыллылар.

edersaas.ru


Куонкурус түмүгүнэн, көхтөөх, үөрэҕэр ситиһиилээх, спортсмен, Тырааныспар тиэхиньикумун 2-с кууруһун устудьуона Роман Петров I вице-мистер аатын сүктэ.

Иккис кыттааччы – Намнааҕы педагогическай колледж устудьуона Минтимир Замятин “Хотугу федеральнай уокурук кыайыылааҕа” уонна “Интэриниэт куоластааһын кыайыылааҕа” ааттары ылла.

Бэлиэтээн эттэххэ, Минтимир итиниэхэ ханыылыы өрөспүүбүлүкэтээҕи куонкуруска бастаан турар. Оттон Роман Петров Бүтүн Арассыыйатааҕы фотомодель куонкуруһугар кыайбыта.

Түмүктүүр түһүмэх бэҕэһээ Ростов-на-Дону куорат Муусукаҕа тыйаатырын камернай саалатыгар буолла.

Тэрийээччилэр бэлиэтииллэринэн, эр дьон кырасыабай уонна ситиһиилээх буолууларын куонкуруһа туохха барытыгар көхтөөх, үөрэхтээх, туруоруммут сыалын ситиһэр, дуохуобунай өттүнэн сайдыылаах, тус олохторугар, үөрэхтэригэр, үлэлэригэр сайдарга, үрдүүргэ соруктаах аныгы эдэр дьон атыттарга холобур буолалларын ситиһэр инниттэн тэриллэр.

СӨ анал үөрэҕин кыһаларын ыччатын сойууһа.

+1
0
+1
0
+1
0
+1
0
+1
0
+1
0
+1
0