Тылгыны эр дьоно түмсүүлээх

Ааптар: 
Бөлөххө киир:

Бүлүү улууһун Тылгыны нэһилиэгэ быйыл төрүттэммитэ 100 сылын туолар. Бу Бүлүү улууһун биир ыраах сытар нэһилиэгэ.

edersaas.ru

Улуу Кыайыы 75 сылыгар, Ийэ дойдуга бэриниилээх буолуу, Тылгыны нэһилиэгэ тэриллибитэ 100 сылыгар анаммыт тэрээһиннэри коронавирустан харыстанар тэрээһиннэр биллэриллибиттэринэн тохтоппуттар. Ол эрээри, бэлэмнэнии салгыы бара турар. Нэһилиэк талааннаах дьонкн кэнсиэрэ Бүлүү куоратыгар буолуохтааҕын атын бириэмэҕэ көһөрбүттэр.

Тылгыны нэһилиэгэр эр дьон түмсүүтүн учуутал Игнатий Филиппов салайар. Түмсүү нэһилиэк бары тэрээһиннэригэр актыыбынайдык кыттар.

Эр дьон үгэс буолбут тэрээһиннэрдээхтэр: ол курдук бары тумсэн куобах күрэҕин тэрийэллэр,  “Хотугу Бүлүү” спортивнай турнир тэрээһинин сүрүннүүллэр уо.д.а.

Ааспыт нэдиэлэҕэ эр дьон Кыайыы болуосстатын хапытаалынай өрөмүөҥҥэ бэлэмнээтилэр.  Субуотунньукка баҕа өттүнэн 23 эр киһи кытынна.

Манна олохтоох дьаһалта, оскуола, кулууп, гаас үлэһиттэрин кэлэктииптэрэ кытыннылар. Эр дьон болуоссат хаарын аҕыйах кэм иһигэр ыраастаан кэбистилэр. Бу ыраастаммыт сиргэ  анал стела туруоруллуоҕа.

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0