“Тыа сирин дуоктара” бырагыраамаҕа уларыйыылар киириэхтэрэ

Бөлөххө киир:

Ол эбэтэр, 2020 сыл тохсунньутуттан саҕалаан, тыа сиригэр эбэтэр 50 тыһыынча киһиэхэ диэри нэһилиэнньэлээх куораттарга үлэлии барар быраастарга уонна биэлсэрдэргэ биир кэмнээх харчынан төлөбүрү оҥорорго, сааһынан хааччахтааһын суох буолла. Маннык иһитиннэриини Арассыыйа бэрэсидьиэнэ Владимир Путин Федеральнай Мунньахха ыҥырыытыгар оҥордо.

edersaas.ru

Биллэрин курдук, урут бу быраабынан 50-гар диэри эрэ саастаах эмчиттэр туһанар кыахтаахтара. Маннык быһаарыы ылыллыбыт биир төрүөтүнэн доруобуйа харыстабылын бастакы сүһүөх звенотугар каадырдар тиийбэттэрэ буолар.
“Тыа сирин дуоктара” бырагырааманан быраас тыа сирин нэһилиэнньэлээх пуунугар, оробуочай бөһүөлэккэ эбэтэр куорат тииптээх бөһүөлэккэ бардаҕына, 1 мөлүйүөн суумалаах биир кэмнээх төлөбүр бэриллэр. Бу харчытын исписэлиис эмтиир тэрилтэни кытары 5 сылтан итэҕэһэ суох кэмҥэ үлэлииргэ дуогабар түһэристэҕинэ ылар. Оттон “Тыа сирин биэлсэрэ” бырагыраамаҕа хапсыбыт киһи 500 тыһыынча солкуобайы ылар.
РФ Доруобуйаҕа харыстабылын министиэристибэтин отчуотунан, Арассыыйаҕа 2012-2017 сылларга тыа сирдэригэр 29 тыһыынча эмчит баран үлэлээтэ (сылга 5-6 тыһыынча киһи).
Саха сиригэр 2012-2018 сылларга “Тыа сирин дуоктара” бырагырааманан 728 быраас, 2012-2017 сылларга “Тыа сирин биэлсэрэ” өрөспүүбүлүкэтээҕи бырагырааманан 22 биэлсэр тыа сиригэр көһөн үлэлээтэ.
Ол да буоллар, тыа сирдэригэр быраастар билигин да тиийбэттэр. Онон, бу бырагыраама эргиччи туһалаах буолара күүтүллэр.

Надежда ЕГОРОВА, “Саха сирэ”, edersaas.ru cайт

+1
0
+1
0
+1
0
+1
0
+1
0
+1
0
+1
0