Тыа хаһаайыстыбата сыл устатыгар хас да саҥа тутуунан хаҥаата

Бөлөххө киир:

Ааспыт 2018 сылга судаарыстыба өйөбүлүнэн ынах сүөһү турар 2 комплекса – Бүлүү улууһун Балаҕаччытыгар “Мастаах” тыа хаһаайыстыбатын производственнай кэпэрэтиибигэр уонна Мэҥэ Хаҥаласка М.Егоров аатынан хааччахтаммыт эппиэтинэстээх уопсастыбаҕа тутуллан киирдэ.


Ону таһынан Дьокуускай Хатаһыгар “Баҕарах” ХЭУо-ҕа, Амма улууһугар “Илгэ” ХЭУо-ҕа уонна “Бөтүҥ” ТХПК-гэр, Ньурбаҕа “Күндээдэ” АУо-ҕа, Мэҥэ Хаҥаласка “Чүүйэ” МУТ-ҕэ 5 сайылык тутулунна. Кыһын ахсынньыга Россия Тыатын хаһаайыстыбатын министиэристибэтэ инвестбырайыактары сүүмэрдиир куонкуруһугар кыттыы түмүгүнэн 41,6 мөлүйүөн солкуобай Бүлүү улууһун “Халбаакы” уонна “Мастаах” производственнай кэпэрэтииптэригэр, Мэҥэ Хаҥалас улууһун “Хорообут” уонна М.Егоров аатынан ХЭУо-ларыгар тутуллубут комплекстар ороскуоттарын толуйууга тардылынна.

Судаарыстыба өйүүр дьаһаллары ылбытын түмүгэр 2018 сылга Хаҥалас улууһугар “Наука” ХЭУо-ҕа, “Самартай” ТХПК-гэр уонна Маҥан бөһүөлэгэр урбаанньыт Ю.Ю.Ксенофонтов хаһаайыстыбатыгар холбоон 1500 туонна хортуоппуй киирэр истээх эбийиэктэр тутулуннулар. Ону тэҥэ Ил Дархан “Сылгыны үөрдээн иитиини сайыннарар дьаһаллар тустарынан” Ыйааҕар олоҕуран, 19 улууска 100 хаһаайыстыба сылгы базатын туттарыгар көмө ылла.

Маны сэргэ тыа хаһаайыстыбатын потребкэпэрэтииптэрэ материальнай-техническэй базаларын хаҥатыннылар. Куонкуруска 41 сайаапка киирбититтэн 12 кэпэрэтиип сүүмэрдээһини ааһан, грант ыллылар. Таатта «Баай Ас» уонна Хаҥалас «Самартай» кэпэрэтииптэригэр сменаҕа 10-нуу туонна эти астыыр модульнай буойуналар, «Куорунай Ас», Ньурба «Влада» уонна Нам «Эрэл» кэпэрэтииптэригэр сменаҕа туонна аҥаардыытын астыыр үүт сыахтара тутуллан-таҥыллан туруорулуннулар.

Василий НИКИФОРОВ.

+1
0
+1
0
+1
0
+1
0
+1
0
+1
0
+1
0