Тускул сэрэтэр: «Чаҕылҕан кэмигэр суотабай төлөпүөҥҥүтүн кистээҥ»

Ааптар: 
Бөлөххө киир:

Чурапчы улууһун Хайахсытыгар киэһэ биэс чаас cаҕана олохтоохтор урукку дьылларга  түспэтэх ардахха баттаттылар.

edersaas.ru

Быйылгы сайын уратытын бэлиэтээбит норуот синоптига ТускулТарас Тарасов Хайахсыт нэһилиэгин баһылыгын быһыытынан батсаапка суруйан, маннык иһитиннэриини оҥордо:

Мин олорор Хайахсыппар манна хаһан да түспэтэх ардах, холорук, тобурах түһэн ааста. Чаас аҥаара иһигэр  ыйдааҕы нуорма сөҥүү түстэ. Ол түмүгэр 10 электрическэй остуолба, 4 ыал кырыыһата, тииттэр сууллан, араас хоромньу таҕыста. 

Этиҥнээх ардах кэмигэр суотабай төлөпүөнү илдьэ сылдьымаҥ диэн сүбэлиэм этэ.  Суотабай төлөпүөн хабар сирэ наһаа киэҥ.  Араадьыйа долгуннаах буолан, чаҕылҕаны бэйэтигэр тардар. Отууга да, нэһилиэккэ да суотабай төлөпүөнү  арааран баран, дьиэттэн ыраах кистээн кэбиһиҥ. Араҕыстаҕына да араадьыйатын долгуна үлэлии сылдьар. Ол иһин этиҥнээх ардах кэмигэр, бастатан туран, суотабайгытын киһи олорор сириттэн тэйитиҥ.  Билиҥҥи быстах этиҥнээх ардахтар хоромньулара наһаа улахан. Онон этиҥнээх ардах кэмигэр таһырдьа тахсымаҥ.  Таһырдьа сылдьар буоллаххытына, тииккэ сөрөнүмэҥ. Ол оннугар хатыҥҥа эбэтэр өтөх баар буоллаҕына онно, оттуу сылдьар дьон бугул анныгар киириҥ. Бу чаҕылҕантан саамай сөптөөх  быыһаныы буолар. 

Этиҥнээх чаҕылҕан кэмигэр суотабай төлөпүөҥҥэ чаҕылҕаны түһэрээри үгүс киһи төлөпүөнүн үрдүгэр түһэрэ баар суол. Ол кутталлаах эбит. Сэрэниэххэ наада.

Елена ПОТОЦКАЯ, «Саха сирэ» хаһыат, edersaas.ru 

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0