Тускул: «Сарсыҥҥыттан — сөрүүкүө»

Ааптар: 
Бөлөххө киир:

Бу күннэргэ өҥүрүк куйаас күннэр сатыылаан, үгүс киһи: “Хаһан аны сөрүүн күн-дьыл буоларый?” — диэн санааҕа ылларда.

edersaas.ru

Өрүү сырдатар буолан быһыылаах, үгүс киһи аны миигин көрөөт да: «Тускул туох диирий? Ыйытаар эрэ, баһаалыста, бу куйаас күннэр хаһан бүтэллэрий?«, — диэн ыйыталаһар.

Тускул эппиэтэ судургу буолла: «Сарсыҥҥыттан сөрүүн түһэр». Дьэ, онон Тускул билгэлииринэн, бу күннэргэ халлаан туруга хайдаҕый?

— Бу күннэргэ киин улуустарга күнүс 17-18, түүн 12-13 кыраадыс сылаас буолуо. Бээтинсэҕэ, субуотаҕа, өрөбүлгэ — ардахтаах. Кэлэр нэдиэлэҕэ — этиҥнээх ардах. Күнүс  25, түүн  15 кыраадыс сылаас буолуо.

Бүлүү бөлөх улуустарга күнүс   20-23, түүн 11-10 кыраадыс сылаас. Кэлэр нэдиэлэҕэ бу эҥээр — кураан күннэр, ардах суох. Кэлэр нэдиэлэҕэ  21-23, түүн  8-10 кыраадыс сылаас. 

Өлүөхүмэ, Ленскэй, Алдан, Нерюнгри улуустарыгар күнүс  20-25, түүн  12-13 кыраадыс сылаас. Бэнидиэнньиккэ, оптуорунньукка, сэрэдэҕэ — ардахтаах. Кэлэр нэдиэлэҕэ этиҥнээх ардах. Күнүс 25, түүн 15 кыраадыс сылаас. 

Кэбээйи, Эдьигээн улуустарыгар улахан ардах суох. Биирдэ эмэ этиҥнээх ардах таарыйыан сөп. Күнүс  23-25 кыраадыс, түүн 11-13 кыраадыс буолара сабаҕаланар.

Өймөкөөн улууһугар нэдиэлэ курдук күн аайы быстах ардахтаах.  Күнүс 21-23, түүн 13-15 кыраадыс. 

Дьааҥы эҥээр улуустарга бу күннэргэ күнүс 18-20, түүн  8-10 кыраадыс сылаас.  Бу күннэргэ ардах суох, кураан күннэр тураллар.

Абый, Муома, Халыма, Үөһээ Халыма, Аллараа Халыма улуустарыгар халлаан биллэ сөрүүкүүр. Күнүс 18-20 кыраадыс, түүнүн 12-10 кыраадыс буолуо. От ыйын 16-19 күннэригэр  ардахтаах күннэр.

Өлөҥҥө бу күннэргэ күнүс 15 кыраадыс, түүн 6-7 кыраадыс сөрүүкүө, улахан ардах бу күннэргэ суох.

Булуҥ  уонна Анаабыр улуустарыгар күнүс 9-10 кыраадыс сылаас.  Бээтинсэҕэ, субуотаҕа, өрөбүлгэ  ардахтаах. Түүн 4-6 кыраадыс сылаас.

Бу күннэртэн ыла өрөспүүбүлүкэ бары улуустарыгар 30 кыраадыс  аны бэлиэтэммэт. Онон киһи тулуйбат өҥүрүк куйааһа бүттэ. 

Елена ПОТОЦКАЯ, «Саха сирэ» хаһыат, edersaas.ru

Хаартыска — интэриниэттэн.

+1
0
+1
0
+1
0
+1
0
+1
0
+1
0
+1
0