Тускул: «От ыйын бастакы күннэригэр эмискэ тымныйыаҕа»...
· - Олох-дьаһах

Тускул: «От ыйын бастакы күннэригэр эмискэ тымныйыаҕа»

Бу нэдиэлэнэн сайын бастакы ыйа түмүктэнэр. Саамай куйааһынан билиниллибит от ыйын бастакы нэдиэлэтэ хайдах буолуоҕай?

edersaas.ru


Күн-дьыл билгэһитэ Тускул Чурапчы Хайахсытыттан суһал сэрэтии ыытта:

От ыйын саҥатыгар  Хотугу муустаах муораттан улахан тымныы салгын иһэр, онон ордук оҕуруотчуттар сэрэхтээх буолуҥ.

Бу тымныы Халыма-Индигиир улуустарыгар от ыйын 2-4 күннэригэр бэлиэтэниэҕэ.  Түүн 0-2 кыраадыс тымныйыаҕа, хаардаах ардах түһүөҕэ.  Иккис тымныы охсуута Анаабыр-Тиксии диэки буолуоҕа. Манна эрдэ тымныйыаҕа —  бэс ыйын 30 күнүттэн от ыйын 5 күнүгэр диэри. Тымныы салгын Бүлүү эҥээр, хоту — Дьааҥы эҥээр улуустары, ону тэҥэ, киин улуустары хабыаҕа.

Онон от ыйын 3-5 күннэригэр ордук оҕуруоттаах дьон сэрэнэллэрэ, эрдэттэн бэлэмнэнэллэрэ наада.

Онтон сыыйа сылыйан, халлаан оннугар түһэн барыаҕа. От ыйын да куйааһа баар буолуоҕа.

Дьэ, онон от ыйын бастакы нэдиэлэтэ тымныйыаҕа диэн сылыктаата Тускул. Оҕуруотчуттар эрдэттэн сэрэнэргит ордук буолсу.

Елена ПОТОЦКАЯ, «Саха сирэ» хаһыат, edersaas.ru

0
2

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

четыре − два =