Тускул: «Куйаас уонча эрэ күн туруоҕа…»
Олох-дьаһах

Тускул: «Куйаас уонча эрэ күн туруоҕа…»

Бу күннэргэ аны олус куйаас күннэр сатыылаан, сорох дьон: «Тускул туох диирий, хаһан ардыырый?» — диэн ыйытар буоллулар.

edersaas.ru

Дьэ, Тускул от ыйын туох диэн сабаҕалыырый? Бу туһунан күнү-дьылы билгэлээччи санаатын бу курдук этэр:

Быйылгы от ыйа урукку сыллартан уратылаах диэн сайын саҕаланыыта этэн турабыт. Ол курдук,   бу ыйга өрөспүүбүлүкэ улуустарыгар 4-5 кыраадыһынан сөрүүн. Сайыҥҥылыы Бөтүрүөп куйааһа ый бастакы эрэ дэкээдэтигэр сатыылыа. Онтон ый ортотуттан биллэ сөрүүкүтүйэн барыаҕа. Ол эбэтэр баара суоҕа — 20-25 кыраадыс буолуо.

Отчуттарга сүбэлиэм этэ. Бөтүрүөп таҥараны кэтэһэн олорор киһи быйыл ото суох хаалыан сөп. Ол курдук, бу ый 15-16 күннэригэр  эрэ диэри куйаас күннэр туруохтара.   30-35 кыраадыс куйаас күн охсуллубут битэмииннээх от түргэнник куурар. Онтон ый ортотуттан кэлэ-кэлэ ардыы турар буолан, от кууран биэриэ суоҕа. Онон күн сарсыҥҥыттан күргүөмүнэн окко тахсаргытыгар сүбэлиибин. Ол эрээри хойутаабыт отчуттар санааҕытын түһэримэҥ — атырдьах ыйын бастакы аҥара сайыҥҥылыы куйаас, ылааҥы буолуоҕа.

 

Оттон уоппускаҕа сылдьар уонна сөтүөлүүрүн сөбүлүүр киһи бу уон күнү баттаһа дуоһуйа сөтүөлээн хаалара ордук. Ый ортотуттан сөрүүкээн, сөтүө тохтуоҕа. 

Оҕуруот аһа уонна сир аһа быйыл өлгөмнүк үүнэр сыла. Онон сир астааччылар, айылҕа баайыттан сомсон, туһанан хаалар сыалтан,  эрдэттэн ханна бараргытын-кэлэргитин былааннаныҥ. Сир аһа бары улуустарга өлгөм буолуоҕа. 

От ыйа сынньалаҥы, дуоһуйууну аҕаллын!

Елена ПОТОЦКАЯ, «Саха сирэ» хаһыат, edersaas.ru

Хаартыска — интернеттэн.

 

 

 

Ийэ сайын бэрсэр маанылаах куннэрин туьалаахтык атаарын эьигини кытта ТУСКУЛ.

8
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

19 + тринадцать =