Тускул билгэтэ: «Нэдиэлэ иккис күнүттэн улаханнык тымныйыаҕа»

Ааптар: 
Бөлөххө киир:

Кириһиэнньэ чугаһаан, улуустарга биллэ тымныйда.

edersaas.ru


Кириһиэнньэҕэ диэри хайдах күн-дьыл туруой?

Бу туһунан норуот синоптига Тускул тугу билгэлиирий?

Киин улуустарга: Дьокуускайга оптуорунньукка диэри күнүс — 35С, түүн -38С кыраадыс тымныы буолуоҕа. Намҥа — 39-42С , Покровскайга — 36-41С , Майаҕа, Чурапчыга, Бороҕоҥҥо — 37-40С,  Амма5а – 36-40С, Уус-Маайаҕа – 33-39С , Ытык Күөлгэ уонна Томпоҕо – 36-42С, Горнайга – 37-41С, Кэбээйигэ – 41-44С кыраадыс тымныы.

Бүлүү бөлөх улуустарга: — 39-44С кыраадыс тымныы.

Арҕаа улуустарга: — 37-42С кыраадыс , Өлүөхүмэҕэ – 36-43С кыраадыс тымныы.

Соҕуруу оройуоннарга: Нерюнгри уонна Алдан улуустарга — 31-35С.

Хоту улуустарга: Эдьигээҥҥэ — 41-44С кыраадыс тымныы.

Дьааҥы эҥээр улуустарга: Баатаҕайга -45-49С, Баата5ай Алыытыгар -38-44С кыраадыс, Верхоянскай к. 49-50С кыраадыс, Депутатскайга – 38-42С кыраадыс тымныы.

Халыма-Индигиир улуустарыгар: Үөһээ Халымаҕа түүн — 35-39С, Орто Халымаҕа — 36-38С,  Алаһыайга 35-37С, Аллараа Халымаҕа – 37-40С, Абыйга 36-40С, Аллайыахаҕа -31-38С, Өймөкөөҥҥө — 44-49С, Муомаҕа -45-47С кыраадыс тымныы. Анаабырга: — 38-40С, Өлөөҥҥө — 37-43С, Тиксиигэ — 32-35С кыраадыс тымныы.

Оптуорунньуктан Кириһиэнньэҕэ диэри улаханнык тымныйбытынан барыаҕа.

Тохсунньу 10-23 күннэригэр халлаан туруга хайдаҕый?

Киин улуустарга тохсунньу 17 күнүгэр диэри 30-40 кыраадыстар икки ардыларынан тымныйыаҕа. Тохсунньу 17-19 күннэригэр былыт кэлиэҕэ. Бүлүү бөлөх улуустарга кыраадыс хамсыы турар. Ааспыт нэдиэлэҕэ ичигэс күн-дьыл турбута. Тохсунньу 14-15-с күннэригэр — 47С кыраадыска тиийэ тымныйыаҕа. Онтон эмиэ былытырыаҕа. Ол кэмҥэ 20-30 кыраадыс бэлиэтэниэҕэ. Тохсунньу 19-20 күннэригэр эмиэ тымныйар.

Арҕаа улуустарга 15-16 чыыһыла эргин 40-тахса кыраадыс тымныйыаҕа. Ол кэнниттэн эмиэ былыт кэлиэ5э.

Тымныы полюһугар, Өймөкөөҥҥө,  түүҥҥү өттүгэр -50-тан тахса кыраадыс, күнүс -30-ча кыраадыс буолуоҕа. Араастаһыыта наһаа улахан.

Дьааҥыга -30-42С кыраадыс тымныы икки ардынан турар. Тохсунньу 15-17 күннэригэр 40-тан лаппа тахсан, тымныйаҕа. Онтон эмиэ былыт кэлэн арыый да сылыйбытынан барыаҕа.

Индигиир, Муома улуустарыгар температура — 22-30С кыраадыс икки ардынан турар. Тохсунньу 14-16 чыыһылаларыгар эмиэ 40-тан тахса кыраадыс тымныйыаҕа.

Анаабыр-Өлөөн улуустарыгар — 30-50С кыраадыс икки ардынан тымныы күн-дьыл туруоҕа. Онтон тохсунньу 17 күнүттэн арыый да сылыйбытынан барыаҕа.

Тиксиигэ температура — 30-ча кыраадыс тымныы. «Полярнай» дэнэр түүн бу улууска эрэ хаалла. Уоннааҕы хоту улуустарга күн уһаан, сырдаан турар. Кэлэр нэдиэлэттэн манна былыт кэлиэҕэ, хаар түһүөҕэ.

Үүнэн эрэр ый киһиэхэ дьайыыта

Тохсунньу 14 күнэ – ыйга соччото суох күн. Онон бу күн ыраах айантан туттунуҥ, саҥа дьыаланы саҕалаамаҥ. Бу күн сэрэхтээх буолуҥ. Тохсунньу 7-14 күннэрэ — саҥа төрүүр ый бастакы чиэппэрэ. Бу кэмҥэ эпэрээссийэ көҥүллэммэт, баас-үүт оспот. Харах, тоноҕос, тыҥа, күөмэй, ньиэрбэ систиэмэтэ түргэнник эмкэ бэринэр кэмнэрэ.

Тускул Кириһиэнньэтээҕи билгэтэ итинник.

Елена ПОТОЦКАЯ, «Саха сирэ» хаһыат, edersaas.ru

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0