Мин бүгүн Тускултан «Саха сирэ» хаһыат «Итии чэй» рубрикатыгар анаан интервью ыллым.
edersaas.ru
Матырыйаалым атырдьах ыйын 8 күнүгэр бэчээккэ тахсыаҕа. Бу күннэргэ Тускул атырдьах ыйын билгэтин сырдаппытым. Онно кини:«Атырдьах ыйын 1-кы күнүттэн сылыйан барыа», — диэбитэ да, бүгүн халлааммыт итийиэхтээҕэр, эмискэ тымныйан, үгүспүт күһүҥҥү кууркабытын кэттибит. Социальнай ситимнэргэ: «Тускул эмиэ сымыйалаата. Оппутун ардахха охсон биэрдибит быһыылаах«, — диэн эмиэ суруйбуттар.
Бу ис дьиҥин билээри, мин интервью ыла сылдьан: «Эйигин үксүгэр сыыһа билгэлиир дииллэр. Онуоха эн санааҥ«, — диэн ыйыттым.
— Сарсыҥҥыттан ыла, дьэ, сылыйаары аҕай турар. Нууччалыы эттэххэ, «прогноз» диэн барыллааһын. 100% таба эппэтиҥ чахчы. 50-60% сөп түбэстэҕинэ — сөп. Мин бастакыттан сэттискэ диэри үчүгэй күн буолар диибин. Отторун эрдэ охсубут буоллахтарына, ол бэйэлэрин буруйдара буоллаҕа, —— диэн санаатын тиэртэ Тускул.
Онон сылаас сэттэ күнү син биир кэтэһэр буоллахпыт…
Елена ПОТОЦКАЯ, «Саха сирэ» хаһыат, edersaas.ru
Ааптар хаартыскаҕа түһэриитэ уонна видеоҕа уһулуута.