Тускул: «Саҥа дьыл үүнэр түүнүгэр сылыйыаҕа»

Ааптар: 
Бөлөххө киир:

Бу күннэргэ бары улуустарга тымныйан, үгүс киһи: «Саҥа дьыл өрөбүллэрин саҕана маннык күн-дьыл турара буолуо…» — диэн дьиксинэрэ чахчы.

edersaas.ru


Саҥа дьыл бырааһынньыгын уһун өрөбүллэригэр хайдах күн-дьыл туруой? Бу туһунан норуот синоптига Тускултан ыйыталастым.

Бу нэдиэлэ бээтинсэтиттэн  күн-дьыл туруга биллэ уларыйыаҕа.  Сахалинтан иһэр циклон ичигэс салгыны аҕалан, өрөспүүбүлүкэ улуустарыгар барытыгар биллэ   сылыйыаҕа. Ол курдук, күнүс  33, түүн 38 кыраадыс  тымныы бэлиэтэниэҕэ. Бу Саха сиригэр «сылаас» дэнэр температура. Саҥа дьыл үүнэр түүнүгэр Дьокуускайга уонна киин улуустарга 25-27 кыраадыс буолуоҕа. Маннык ичигэс күннэр тохсунньу 6 күнүгэр диэри туруохтара. Ленскэй, Алдан улуустарыгар бээтинсэттэн саҕалаан 12-13 кыраадыс тымныйыаҕа. Түүн соҕуруу улуустарга 17-15 кыраадыс буолуоҕа. Илинтэн кэлэр циклон Уус Маайаны уонна Томпону хабыаҕа. Бүлүү бөлөх улуустарга ахсынньы 29-30 күннэригэр түүн күнүс 17-16 кыраадыс, түүн 20 кыраадыс тымныйыаҕа, — диэн сылыктыыр Тускул.

Өймөкөөҥҥө — 60-тан тахса кыраадыс тымныйан, дойдуларыгар барыахтаах дьон  айанныыртан туттуннулар. Норуот синоптига бэлиэтииринэн, бу күннэргэ өрөспүүбүлүкэ улуустарыгар тымныы күн-дьыл туруута хотуттан кэлэр циклону кытта ыкса сибээстээх.

Саҥа дьыл саҕана Тымныы полюһугар эмиэ сылыйыаҕа. Бээтинсэттэн саҕалаан Өймөкөөҥҥө күнүс 36, түүн  42 кыраадыс тымныйыаҕа. Саҥа сыл үүнэр түүнүгэр 36-35 кыраадыс буолуоҕа. Ичигэс халлаан тохсунньу 1-2 күннэригэр диэри туруоҕа, — диэн кэпсиир Тускул.

Онон ичигэс күннэр кэлэллэрэ түөрт-биэс хонук хаалла.  Саҥа дьыллааҕы уһун сынньалаҥнар былааннарыгар  үөрэ-көтө, салгын сии таарыйа, таһырдьа дьаарбайыыны, айылҕаҕа тахсыыны, доҕотторгутугар уонна аймахтаргытыгар ыалдьыттааһыны  хайаан да киллэрэр буоллаххыт.

Елена ПОТОЦКАЯ, «Саха сирэ» хаһыат, edersaas.ru 

Хаартыска — интернеттэн.

+1
0
+1
0
+1
0
+1
0
+1
0
+1
0
+1
0