Тургутуктаах көрсүһүү ХИФУ устудьуоннарын сэргэхситтэ

Бөлөххө киир:

Олунньу 10 күнүгэр — РФ дипломат күнэ. Бу бэлиэ күнү көрсө ХИФУ  ИЗФиР устудьуоннарыгар ураты сэргэх тэрээһин буолан ааста. Бу туһунан СӨ Тас сибээскэ департаменын пресс-сулууспата иһитиннэрдэ.


Ол курдук, СӨ Тас сибээскэ департаменын үлэһиттэрэ, РФ Тас дойдуларга дьыалаларын министиэристибэтин Дьокуускай к. бэрэстэбиитэллэрэ эдэр ыччаты кытары көрсүбүттэр. Устудьуоннары кытары кэпсэтиигэ РФ Тас дойдулар дьыалаларыгар министиэристибэтин бэрэстэбиитэлэ Николай Дьяконов, РФ Тас дьыалаларга министиэристибэтин Дьокуускай куоракка Атташета Сергей Тарасов, СӨ Тас сибээскэ департаменын салайааччытын солбуйааччы Валерий Протопопов, уо.д.а. кыттыбыттар. Кинилэр СӨ уонна КНР бииргэ үлэлээһиннэрин, өрөспүүбүлүкэ тас дойдулары кытта сибээһин, киэҥ хабааннаах үлэтин туһунан сырдаппыттар, ыйытыыларга хоруйдаабыттар, устудьуоннар санааларын истибиттэр.

Истиҥ көрсүһүү дипломатия устуоруйатын, норуоттар икки ардыларынааҕы сыһыан, о.д.а. боппуруостарга ыччаттар төһө билэллэрин тургутар викторинанан түмүктэммит. Бэртээхэй тургутугу Дьокуускай к. РФ Тас дойдуларга дьыалаларын министиэристибэтин бэрэстэбиитэлистибэтин иккис сэкирэтээрэ Наталья Татаринова тэрийэн ыыппыт. Ыччаттар туһалаах, интэриэһинэй тэрээһинтэн улаханнык астыммыттар. Инникитин даҕаны бу курдук көрсүһүүлэр ыытыллалларыгар баҕарбыттар.

СӨ Тас сибээскэ департаменын пресс-сулууспата

+1
0
+1
0
+1
0
+1
0
+1
0
+1
0
+1
0