Ааспыт нэдиэлэ бүтүүтэ Орто Халыма улууһугар дьоһун суолталаах бэлиэ күн буолан ааста. Ол курдук тулаайах оҕолорго анаан тутуллубут элбэх кыбартыыралаах таас дьиэ үлэҕэ киллэриллиитин үөрүүлээх түгэнэ буолла.
edersaas.ru
Орто Халыма куоракка саҥа тутуу “Тулаайах оҕолору олорор дьиэнэн хааччыйыы” бырагыраама чэрчитинэн тутулунна. Саҥа дьиэ аҕыс кыбартыыралаах.
“Халыма долгуннара” хаһыат суруйарынан, саҥа тутуу бэдэрээтчитинэн “Новая строительная компания” ХЭТ буолан, бастакы сыбаайатын былырыын кулун тутар 25 күнүгэр түһэрэн, биир сыл кыайбат иһигэр саҥа дьиэни дьэндэттэ. Хоту сиргэ саҥа дьиэни тутуу сыанатынан олус ыараханын таһынан, тутуу матырыйаалын тириэрдии боппуруоһа кытаанах. Онон тутуу хас да сылы быһа ыытыллыан сөп.
Саҥа дьиэҕэ киирбит дьон үөрүүлэрин СӨ олоҕун-дьаһаҕын уонна энэргиэтикэтин миниистирэ Дмитрий Садовников, бырабыыталыстыба чилиэннэрэ, улуус баһылыга Евгений Слепцов үллэһиннилэр.
Хаартыска ulusmedia саайтан туһанылынна.
edersaas.ru