Тулаайах балтыттан уора сылдьыбыт
Бэрээдэк - Олох-дьаһах

Тулаайах балтыттан уора сылдьыбыт

Дьокуускай куорат полициятын дьуһуурунай чааһыгар биир тулаайах кыыс эрийэн, баанын каартатыттан 60.000 солк. харчытын уорбуттарын эппит. 

edersaas.ru

Оперативниктар суһал-ирдиир тэрээһин кэмигэр бу уорууга уорбаланааччыны туппуттар — кыыс 21 саастаах аймаҕа эбит.

Барыллаан быһаарыынан, кыыс тулаайах буолан, тастыҥ эдьиийигэр олорбут. Иитэр дьонун сүтэрбитин иһин төлөнөр биэнсийэтэ каартатыгар түһэр эбит.

Эдьиийэ буоллар, кыыс баанын каартатын пин-кодун билэр буолан, биир күн каартаны уоран ылбыт уонна ону-маны атыылаһарыгар ол каартанан төлүү сылдьыбыт.

Бу чахчынан «Уоруу» ыстатыйанан холуобунай дьыала тэриллибитин туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

0
1

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

пять × пять =