Саха сирин ырыаһыттарыттан уон саамай кыраһыабай эр дьону таллыбыт. Социальнай ситимҥэ куоластааһын кэннэ, түмүк маннык.
1. Игорь Егоров. Игорь «Тыа уолчаана» диэн ааттаах ырыатынан биллэн, киэҥ эйгэҕэ түргэнник тахсыбыта. Бааһынай уолчааҥҥа сэҥээрээччилэрэ, сүгүрүйээччилэрэ тута саха эстрадатын «секс-символа» диэн ааты иҥэрэ охсубуттара.
2. Иннокентий Васильев — Лэгэнтэй. Дьааҥыттан төрүттээх Хайа сахата. Лэгэнтэй ырыаларын Азербайджаҥҥа, Арменияҕа кытта сөбүлээн истэллэр.
3. Павел Семенов — Байбал Сэмэнэп. Байбал бастакы альбомун таһын өйдүүр буолуохтааххыт. Бүлүү Тыымпытыттан төрүттээх, саха эстрадатын романтика куттаах ырыаһыттарыттан биир бастыҥнара.
4. Василий Еремеев. Эстарадабыт биир ураты куоластаах эр киһитэ. Василий былырыын, иллэрээ сыл бэйэтин тас бодотун көрүнэн, күүскэ ырда, урукку чөлүгэр түстэ диэххэ сөп. Эмиэ Бүлүү Тыымпытыттан төрүттээх.
5. Гоша Васильев — Saas Ustar. Сахалыы рэп айбыт аҕата — Jeada. Билигин бэйэтин суруналыыстыкаҕа холонор, Амыкча диэн аатынан хаһыакка бэчэттэнэр. Эрдэҕэс сааһыттан бөлүһүөктүү ис хоһоонноох ырыаларынан ыччат кутун туппута. «Мин сахабын» аудиокассетата аатырыаҕын аатырбыта.
6. Александр Дьячковскай — Ырыа Саарын. Александр урут Саарын диэн этэ. Оттон билигин номнуо Ырыа Саарын диэн ааты ылынан, Олоҥхо тыйаатырыгар артыыһынан үлэлии сылдьар. «Илэ түүл» («Пионовая беседка») диэн Кытай норуотун XVI-с үйэтээҕи айымньытынан испэктээкилгэ сүрүн оруолу оонньуур.
7. Константин Степанов. Эстрада тыйаатырын эдэр артыыһа. «Аршин мал алан» мюзиклга сүрүн оруолу толорор.
8. Ариян Свинобоев — Арыйаан. Арыйаан ырыаһытын таһынан тустуунан, хапсаҕайынан дьарыктанар, спорт эйгэтин үлэһитэ. Онон быыппастар былчыҥнаах ырыаһыттартан биир бастыҥнара. Арыйаан өссө киинэҕэ холоммута. Олег Марков «Сүрэхпэр доҕотторум бука бары» киинэтигэр оонньообута, киинэ саундтрегын ыллаабыта.
9. Александр Пономарев — Понсаш. «Халлаан» эдэр ырыаһыттар холбоһүктарын чилиэнэ. Сотору кэминэн Понсаш доҕотторун кытары гостуруолга айаннаары сылдьаллар. Инстаграмҥа Гоша Васильевтыын, Күннэйдиин, Галя Виноградтыын түспүт хаартыскатын субу-субу таһаарар.
10. Андрей Шадрин. «Туймаада» ансаамбыл эдэр солиһа. Дьулугур уҥуохтаах эр бэрдин элбэх кэрэ аҥар сөбүлүү көрөр эбит. Андрей кэргэннээх, икки оҕолоох.