“Билиҥҥитэ РФ сиригэр-уотугар коронавируһунан ыалдьыы түбэлтэтэ бэлиэтэммэтэ. Ол гынан баран, биһиги дьоммутун харыстыыр туһугар туох кыалларын барытын оҥоруохтаахпыт”, — диэн РФ премьер-миниистирэ Михаил Мишустин тохсунньу 30 күнүгэр мунньахха эттэ.
edersaas.ru
Билигин Новосибирскайдааҕы “Вектор” судаарыстыбаннай научнай киин икки тест-систиэмэни оҥорон, Кытай доруобуйатын харыстабылын тэрилтэтигэр билиһиннэрдэ. Саҥа тест-систиэмэ туһатын РФ Роспотребнадзорун салайааччыта Анна Попова иһитиннэрдэ. Кини эппитинэн, тест-систиэмэ коронавируска сыстыбыт ыарыһахтары эмтиир кыахтаах. Билигин тест-систиэмэни оҥоруу кээмэйин элбэттиллэр.
СӨ Ил Дарханын пресс-сулууспата иһитиннэрбитинэн, ону сэргэ, Арассыыйаҕа коронавируһу утары быһыыны оҥорууга үлэ күүскэ барар.
Доруобуйа харыстабылын аан дойдутааҕы тэрилтэтэ саҥа коронавирус тарҕаныыта аан дойду таһымнаах ыксаллаах балаһыанньанан сыаналаата.
Надежда ЕГОРОВА, “Саха сирэ”, edersaas.ru
+1
+1
+1
+1
+1
+1
+1