Бэҕэһээҥҥиттэн, бэс ыйын 25 күнүттэн, Чурапчы улууһугар куоластааһын саҕаламмыта.
«Оройуон нэһилиэнньэтэ быһаарыныылары ылынарга куруук көхтөөхтүк кыттар, куоластааһын суолтатын өйдүүр. Бэҕэһээ Чурапчыга 29 быыбардыыр учаастак үлэтин саҕалаабыта. Куоластааһын бырассыаһа олохтоохторго кутталы суоһаабат. Куоластааччылар учаастактарга болдьоҕунан кэлэн куоластыыллар. Онон, от ыйын 1 күнүгэр дьон мустуутун тумнуохпут. Бу барыта коронавирус дьаҥа тарҕамматын туһуттан оҥоһуллар. Киириигэ хас биирдии киһи температуратын мээрэйдииллэр, мааска эрэсиимэ тутуһуллар«, — диэн Чурапчы оройуонун баһылыга Андрей Ноговицын кэпсиир.
Чурапчы улууһун быыбардыыр учаастактара бары харыстыыр сириэстибэлэринэн хааччыллыбыттара. Хас чаас аайы учаастактары дезинфекциялыыр сириэстибэлэриэнэн сууйаллар-сотоллор диэн улуус дьаһалтатын пресс-сулууспата иһитиннэрэр.
edersaas.ru