Тедрос Гебрейесус: “Коронавируһу эдэр дьон тарҕаталлар”

Ааптар: 
Бөлөххө киир:

Доруобуйа харыстабылын аан дойдутааҕы тэрилтэтэ (ВОЗ) коронавирус дьаҥа күнтэн күн күүһүрэн иһэр диэн бэлиэтээбит.

Ол курдук, ааспыт хонукка аан дойду үрдүнэн көрдөрүү, күннээҕи рекорду өссө төгүл куоһарбыт. COVID-19 дьаҥар, от ыйын 31 күнүгэр, аан дойду үрдүнэн 282 тыһыынчаттан тахса киһи сутуллубут. Бу иннинэ муҥутуур үрдүк көрдөрүү от ыйын 25 күнүгэр бэлиэтэммитэ, онно 286 тыһыынчаттан тахса киһи ыалдьыбытын туһунан ыйыллыбыта.

Коронавирустаабыт дьон ахсаана 17,1 мөлүйүөҥҥэ тиийбит, 668910 киһи тыына быстыбыт.

Доруобуйа харыстабылын аан дойдутааҕы тэрилтэтин салайааччыта Тедрос Гебрейесус этэринэн, кэнники алта нэдиэлэ устатыгар ыалдьааччы ахсаана икки төгүл элбээбит. ВОЗ бу күннэргэ ыксаллаах быһыы-майгы кэмитиэтин ыҥыран, коронавируһу утары ылыллар миэрэлэри саҥаттан көрөр былааннаах.

Тедрос Гебрейесус  эдэр дьон аахайбакка үрдүнэн сыһыаннаһаллара, ыарыы тарҕаныытыгар биир сүрүн төрүөтүнэн буоларын ыйбыт. Кини: “Эрдэ да сэрэппиппит, билигин даҕаны хатылыыбыт — эдэр киһи бу ыарыыга эмиэ ыалдьыан, хотторуон сөп. Кинилэр сыстыахтарын, өлүөхтэрин, сутуйуохтарын даҕаны сөп”, — диэбит.

+1
0
+1
0
+1
0
+1
0
+1
0
+1
0
+1
0