Төбүлэх оскуолата үөрэнээччилэри оскуолаҕа үөрэтиини саҕалаата...
Олох-дьаһах

Төбүлэх оскуолата үөрэнээччилэри оскуолаҕа үөрэтиини саҕалаата

Муома улууһун А.Ф.Старков аатынан Төбүлэх оскуолатыгар (дириэктэр А.С.Винокуров) үөрэх саҕаланна. Үөрэх саҕаланна диэн хайдах эрэ балаҕан ыйын 1 күнүн санатар курдук.

Ол эрээри, тэйиччи сытар 40 оҕо үөрэнэр Төбүлэх оскуолата үөрэнээччилэри оскуолаҕа үөрэтиини саҕалаата. Оҕолор уруокка 35-тии мүнүүтэ үөрэниэхтэрэ. Үөрэх сарсыарда 8.30 саҕаланар эбит. Оскуола дьаһалтата үөрэх араспысаанньатын бигэргэппит.

— Иккис, үһүс, төрдүс уруоктар кэннилэриттэн сынньалаҥ (перемена) кэмигэр 15-тии оҕо үс сменанан аһыыллара тэриллэр. Эбиэт кэннэ тэрээһиннэр, эбии дьарыктар ыытыллыбаттар. Оскуолабытыгар маасканы кэтии кытаанах хонтуруолга турар. Мааска эрэсиимэ олохтоммутун быһыытынан. Маасканы төрөппүттэр бэйэлэрэ тигэн хааччыйбыттара уонна олохтоох балыыһаҕа мааска эмиэ кэлбитэ. Маны сэргэ ирдэнэр дезинфекциялыыр үлэ толору ыытыллар. Ити барыта вирус тарҕаныытын бохсуоҕа диэн эрэнэбит, — диэтэ Төбүлэх оскуолатын дириэктэрэ Александр Сергеевич.

Аһынан-үөлүнэн үчүгэйдик хааччыллан олороллорун биир бэйэм биһирии иһиттим. Үчүгэйдик аһыыр оҕо чэгиэн доруобуйалаах буолуоҕа.

Женни СТРЮКОВА, “Саха сирэ” хаһыат

Хаартысканы: Төбүлэх оскуолатыттан ыыттылар.

1
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

9 + двенадцать =