Тас дойдуга күүлэйдии, үөрэнэ, үлэлии барааччыларга аналлаах дэкээдэ
Өрөспүүбүлүкэҕэ «Выезды за рубеж: учеба, туризм, трудоустройство» иһитиннэрэр-сырдатар дэкээдэ саҕаланарын туһунан СӨ Тас сибээскэ департаменын пресс-сулууспата иһитиннэрэр.
Ыам ыйын 21 күнүгэр СӨ Тас сибээскэ департаменын исписэлиистэрэ Дьокуускай куорат 26 №-дээх оскуолатын үрдүкү кылааһын оҕолоругар «тас дойдуга үөрэнии» тиэмэтигэр уруок ыытыахтара. Сарсыныгар маннык көрсүһүү 5 №-дээх оскуолаҕа былааннанар.
Ыам ыйын 24 күнүгэр тас дойдуга үөрэнии туһунан быһа сибээс оҥоруохтара. Сэҥээрбиттэр, сэргээбиттэр 10.00 чаастан 13.00 чааска диэри 8 (4112) 50-67-32 төлөпүөнүнэн ыйытыыларгытын биэриэххитин сөп. Ону сэргэ, төрөөбүт дойдуттан ыраах сылдьан араас кыһалҕаҕа киирдэххэ хайдах тахсыахха сөбүн туһунан сүбэлэри, хоруйдары ылыаххытын баҕарааччылар ыйытыыларгытын dvs@sakha.gov.ru электроннай почтаҕа «Инфодекада» диэн бэлиэтээн ыытаҕыт. Ыйытыыларгытыгар хоруйдар, сүбэлэр департамент сайтыгар «Обращения граждан» тахсыахтара.
Ыам ыйын 25 күнүгэр СӨ Тас сибээскэ департаменын салайааччы Владимир Васильев бу тиэмэнэн Дьокуускай куорат Ленин уулуссатын 30 №-гэр, 322каб. устудьуоннары кытары көрсөн кэпсэтиэ.