Ил Дархан Айсен Николаев ыарыыны салгыы тарҕаппат туһугар, өрөспүүбүлүкэ тас өттүттэн кэлбиттэргэ барыларыгар анкета толоруохтара, маннык быраактыка Мирнэй уонна Нерюнгри куораттарга эмиэ туһаныллыаҕа диэн эттэ.
edersaas.ru
Бу иннинэ тас дойдуттан кэлэр эрэ дьону эрэ испииһэктииллэрэ. Аҥаардас бүгүн Москва, Санкт-Петербург, Новосибирскай рейстэринэн 55 киһи көтөн кэлбит. Бу Саха сирин олохтоохторо, кинилэри тас дойдуга хааллартаан кэбиһэр табыллыбат диэн Ил Дархан бүгүн брифинг кэмигэр эттэ. Кинилэр булгуччу дьиэҕэ олороллоро (самоизоляция) ирдэнэрин ыйда. Биэс киһини аэропортан тута обсерваторга илпиттэр, атыттар дьиэлэригэр олороллоро наадатын бэлиэтээтэ. Бу тас дойдуттан кэлээччилэргэ булгуччу ирдэнэр усулуобуйа буоларын ыйда.
Людмила ПОПОВА, edersaas.ru
+1
+1
+1
+1
+1
+1
+1