Таатта улууһун Уолба нэһилиэгиттэн 2-3 км чугас сиргэ тыатааҕы биэни тардыбыт уонна убаһаны бааһырдыбыт.
Батсаап ситимигэр нэһилиэк баһылыга Василий Рахлеев тыатааҕыны бултаабытын туһунан тарҕанна. Уолба нэһилиэгин аҕа баһылыгар сибээскэ таҕыстыбыт.
Бу туһунан Василий Рахлеев маннык кэпсээтэ:
— Бэҕэһээ, от ыйын 11 күнүгэр, Сүгэ сүппүт уонна Микиитэ сайылыга диэн сирдэр икки ардыларыгар, нэһилиэктэн 2-3 км чугас сиргэ, Роман Рахлеев диэн киһи биэтин тыатааҕы тардыбыта. Убаһаны моонньун тириитин саралаабыт. Хата, убаһа тыыннаах хаалбыт.
Онон бэҕэһээ суһаллык Роман Рахлеев, Руслан Слепцов уонна мин буолан бултаһа диэн киэһэ 10 ч саҕана тахсыбыппыт. Киэһэ 11 ч саҕана тыатааҕыны бултаатыбыт. Нэһилиэктэн чугас тыатааҕы киириитэ дьоҥҥо-сэргэҕэ олус сэрэхтээх.
Ульяна Захарова, edersaas.ru
Хаартыска — gazeta.ru сайтан.
+1
+1
+1
+1
+1
+1
+1