Тааттаҕа обсерваторга сытар дьон анаалыстара үчүгэй буолан бары таҕыстылар

Тааттатааҕы ыарыы тарҕаныытын бопсор ыстаап иһитиннэрэринэн, ыам ыйын 29 күнүнээҕи туругунан балыыһаҕа киирбит киһи ахсаана 12, «положительнай» анаалыстаах  киһи ахсаана 6, обсерваторга сытааччылар анаалыстара  үчүгэй буолан бары таҕыстылар.

edersaas.ru

Улуус киин балыыһатыгар бу ыарахан ыарыыны суһаллык быһаарарга, эмтииргэ анаан провизорнай, оҕо  инфекционнай, ковиднай инфекционнай отделениялар, суһал көмөнү оҥорооччулар күннэри-түүннэри үлэлии-хамсыы сылдьаллар.
Ыам ыйын 29-30 күннэригэр Ытык Күөл үрдүнэн бары тэрилтэлэргэ, уопсай дьиэлэргэ, маҕаһыыннарга, болуоссаттарга, пааркаҕа  дезинфекциялааһыны күүскэ оҥоруу оҥоһуллара ыстаабынан быһаарылынна. Бу үлэни салайааччылар бары ирдэбили тутуһан тэрийиэхтэрэ, рейдэлэринэн бэрэбиэркэлэниэҕэ.

@taatta_sitim