Тааттаҕа балтараа саастаах оҕо үлүйэн өллө
Бэрээдэк - Олох-дьаһах

Тааттаҕа балтараа саастаах оҕо үлүйэн өллө

Иэнэ суох иэдээн Таатта улууһун Ытык Күөл сэлиэнньэтигэр бу дьыл сэтинньи 16 күнүгэр таҕыста — балтараа саастаах оҕо үлүйэн өллө, оттон кини 3 саастаах убайа илиитин-атаҕын үлүттэ. 

Бу туһунан РФ Силиэстийэлиир кэмитиэтин Саха сиринээҕи управлениета иһитиннэрэр. Билигин бу чахчынан управление Чурапчытааҕы оройуоннар икки ардыларынааҕы отдела силиэстийэ иннинээҕи бэрэбиэркэ ыытар.

Барыллаан быһаарыынан, бу оҕолор аһыы утаҕы сөбүлээн иһэр ийэлэрэ, кырачаан уолаттарын дьиэлэригэр  соҕотохтуу хааллартаан, утуйбуттарынан туһанан, бөх тоҕо тахсан баран, устунан арыгылыы барбыт. 25 саастаах ийэ бэйэтэ билиммитинэн, сарсыарда билэр киһитин дьиэтигэр уһуктубут, онуоха диэри туох буолбутун өйдөөбөт.

Быраабы араҥаччылыыр уорганнарга кыракый эрэйдээхтэр эбэлэрэ тыллаабыт — кини бүгүн, сэтинньи 17 күнүгэр, 09.00 чаас саҕана дьүөгэтиттэн кэлээт, бу ынырыктаах быһылааны илэ хараҕынан көрбүт: дьиэ аана аһаҕас, балтараа саастаах сиэнэ муостаҕа номнуо көһүйэн, онтон улахана ороҥҥо сытаахтыыллар эбит. 3 саастаах уолчаан илиилэрин уонна тилэҕин үлүппүт. Дьиэ иһигэр  + 7 кыраадыс эрэ сылаас эбит.

Бэрэбиэркэ түмүгүнэн, процессуальнай быһаарыы тахсыаҕа.

Вера МАКАРОВА. 

 

1
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

14 + четыре =