Таҥара дьиэтиттэн суумканы уорбут

Ааптар: 
Бөлөххө киир:

Хаайыыттан бу саас олунньу ыйга эрэ босхоломмут рецидивист-дьахтар эмиэ уорууга түбэһэн сууттанна.

edersaas.ru


Суут быһаарбытынан, бу дьыл муус устар ыйыгар дьахтар итирик сылдьан, олохтоох таҥара дьиэтигэр ыскаамыйаҕа суумка сытарын сойботон тахсыбыт. Суумкаҕа суотабай төлөпүөн, харчы баар эбит.

Уоруйах тутуллан баран, буруйун толору билиммит. Бу дьахтар 2005 сыллаахтан уорууга хаста да түбэһэн, холуобунай эппиэккэ тардыллыбыт, хаайыыга олоро сылдьыбыт. Үөһэ этиллибитин курдук, холуонньаттан быйыл саас эрэ босхолонон тахсыбыт.

Суут кинини «уоруу» ыстатыйанан буруйдааҕынан билинэн, 2 сылга уопсай эрэсиимнээх холуонньаҕа көҥүлүн быһарга уурбут. Бириигэбэр сокуоннай күүһүгэр киирэ илик.

Бу туһунан СӨ Борокуратууратын пресс-сулууспата иһитиннэрдэ.

Вера МАКАРОВА, «Саха сирэ» хаһыат, edersaas.ru

Хаартыска: интернеттэн.  

+1
0
+1
0
+1
0
+1
0
+1
0
+1
0
+1
0