Түннүктэн сууллубут кыргыттартан биирэ өлбүт, иккиһэ ыарахан туруктаах

Ааптар: 
Бөлөххө киир:

Бэҕэһээ, ыам ыйын 27 күнүгэр, киэһэ 18.00 чаас саҕана, Дьокуускай куорат Ленин проспегын 52 №-гэр турар «Asia hall» элбэх мэндиэмэннээх дьиэттэн кыргыттар сууллубуттарын туһунан иһитиннэрии силиэстийэ уорганнарыгар киирбитэ.

edersaas.ru

РФ Силиэстийэлиир кэмитиэтин Саха сиринээҕи управлениета иһитиннэрбитинэн, 15 саастаах кыргыттар дьиэ сэттис этээһиттэн сууллубуттар.

Быһылаан сиригэр тиийбит суһал-силиэстийэлиир бөлөх быһаарбытынан, биир кыыс тута миэстэтигэр тыына быстыбыт, иккиһэ ыарахан туруктааҕын Национальнай медицина киинин 1 №-дээх өрөспүүбүлүкэтээҕи балыыһатын Педиатрическай киинигэр киллэрбиттэр.

Барыллаан быһаарыынан, өлбүт кыыс этигэр-сиинигэр криминальнай суол-иис суох.

Билигин бу чахчынан процессуальнай бэрэбиэркэ бара турар. Ол түмүгүнэн, процессуальнай быһаарыы тахсыаҕа.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0