Сыл бастыҥ ыалларын чиэстээтилэр

Бөлөххө киир:

Бүгүн,  ахсынньы 4 күнүгэр, Дьокуускай куорат Кулаковскай аатынан культура уораҕайыгар сыл бастыҥ ыалларын чиэстээтилэр. Өрөспүүбүлүкэбит иһинэн ыытыллыбыт дьиэ кэргэн куонкурустарыгар бастаабыт биэс ыалы чиэстиир дьоро күн буолла. Үлэ уонна социальнай сайдыы  миниистирэ Елена Волкова хас биирдии ыалга  диплом уонна  тэлэбиисэр бэлэхтээтэ.

edersaas.ru

“Үтүө үгэһи үйэтитэр дьиэ кэргэн“ бочуоттаах ааты ылбыт Таатта Туора Күөлүттэн Куһумууннар дьиэ кэргэн  21 сиэн 4 хос сиэн буолан кэлбиттэр. Бу туһунан Варвара Кузьмина-Максимова маннык кэпсээтэ:

— Дьиэ кэргэни түмэр улахан тэрээһиннэр өрөспүүбүлүкэбитигэр ыытыллаллара дьон санаатын кынаттыыр дии саныыбын. Биһиги Таатта улууһугар ыытыллыбыт куонкуруска кыайаммыт, өрөспүүбүлүкэҕэ бастааммыт, бүгүҥҥү үөрүүлээх күҥҥэ кэллибит. Биһиги дьиэ кэргэн иһинэн айар бөлөхтөөхпүт. Бары да ырыаҕа-хоһооҥҥо, үҥкүүгэ талааннаахпыт. Ити барыта биһиги төрөппүттэрбит Анна уонна Николай өҥөлөрө буолар. Оҕо эрдэхпититтэн кинилэр биһигини культура эйгэтигэр чугаһатан, биһиги оҕолорбутугар бу үтүө үгэһи үйэтитэбит.

Маны сэргэ, бүгүҥҥү тэрээһиҥҥэ кэлбит бары дьиэ кэргэн туһунан «Саха сирэ» хаһыакка сиһилии ааҕаарыҥ.

Ульяна ЗАХАРОВА. «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0