СӨ Доруобуйа харыстабылын министиэристибэтигэр өрөспүүбүлүкэтээҕи 2 №-дээх балыыһа — мэдиссиинэ суһал көмөтүн оҥорор киинин пресс-сулууспата бу туһунан иһитиннэрэр.
Бэйдиэ сылдьар ыттары тутууга миэрэлэр ылыллаллар, ыты иитиигэ быраабылалар, ирдэбиллэр кытааталлар. Ол эрээри, бэйдиэ да, хаһаайыннаах да ыкка ытыттарбыт дьон кэлэллэр диэн бэлиэтэнэр.
Өрөспүүбүлүкэтээҕи 2 №-дээх балыыһа — мэдиссиинэ суһал көмөтүн оҥорор киин травпуунун дааннайынан, быйыл сыл аҥаарыгар 1172 киһи ыкка ытыттарбыта бэлиэтэммит. Бу ааспыт сыл бастакы аҥаардааҕы көрдөрүүтүн кытары тэҥнээтэххэ, 10,8 %-нан кыра диэн суруллар. Оттон 2018 сыл бастакы аҥаарыгар, 1280 киһи ыкка ытыттарбыта бэлиэтэммит. Быйыл ыкка ытыттарыы аҕыйааһынан мэдиссиинэ үлэһиттэрэ бэйэни хааччахтанан олоруу эрэсиимин кытары сибээстээбиттэр.
«Бэс ыйыгар 118 киһи, итинтэн 44 оҕо ыкка ытыттарбыта бэлиэтэнэр. Ыкка, атын да кыылга-сүөлгэ ытыттарбыттар суһаллык биһиэхэ кэлэллэрэ наада, — диэн тустаах балыыһа травматологияҕа уонна ортопедияҕа поликлиническай отделениетын сэбиэдиссэйэ Екатерина Копырина эппит.
+1
+1
+1
+1
+1
+1
+1