Бүгүн, атырдьах ыйын 8 күнүгэр, 9.00 чааска «2-с Мээтис нэһилиэгэ» муниципальнай тэриллии сирин таһынан баһаар туруга дьоҥҥо куттала суоҕунан ааҕыллар. Соҕуруулуу-арҕааттан орто күүстээх тыал үрэр.
edersaas.ru
Атырдьах ыйын 7 күнүттэн Сыбаатайга Арассыыйа ЫБМ министиэристибэтин аэромобильнай бөлөҕүн 20 үлэһитэ тохтоло суох кэтэбили ыытар.
Ааспыт күн устата Сыбаатай таһыгар ойуурга уот көстөр учаастактарын умуруорууга үлэ ыытыллыбыт.
8.08.2020 түөрт сиргэ уот умуруорууга үлэ ыытыллара былааннанар:
— дэриэбинэттэн 1 км ыраах сытар «Огдооччуйа» диэн сиргэ (ЫБММ аэромобильнай бөлөҕүн 8 үлэһитэ, 12 олохтоох дьон).
— “Кураанах”, дэриэбинэттэн 2 км. (10 олохтоох дьон)
— “Миисэ Алыыта” дэриэбинэттэн 1,9 км (12 аэромобильнай бөлөх үлэһиттэрэ, 6 олохтоох дьон)
— «Уоттаах Алыы» дэриэбинэттэн 700 м (15 киһи, олохтоох дьон)
Сыбаатайтан соҕуруулуу-илин, соҕуруу хайысхаларга быыстала суох манабыл ыытыллар.
Уоту утарылаһыыга сууккаҕа барыта 93 киһи кыттыбыт, олортон 20-тэ Арассыыйа ЫБМ министиэристибэтин үлэһиттэрэ.
Егор Карпов, «Саха сирэ» хаһыат, edersaas.ru