Светлана Гоголева – национальнай бириэмийэ лауреата

Бөлөххө киир:

Искэни эмтиир өрөспүүбүлүкэтээҕи диспансер “Эн соҕотох буолбатаххын” диэн искэн ыарыылаахтарга көмөлөһөр волонтердар бырайыактарын көҕүлээн олоххо киллэрэр.

edersaas

Маннык бырайыагы диспансерга өр сылларга кылаабынай медицинскэй сиэстэрэнэн үлэлии сылдьар Светлана Гоголева Арассыыйа таһымыгар билиһиннэрдэ. Куоластааһын түмүгүнэн Светлана Алексеевна “Биһиги олоруохпут” Национальнай бириэмийэ лауреатынан буолла уонна наҕараадалары туттарыы үөрүүлээх түгэнигэр кытынна. Маннык бириэмийэ искэни утары охсуһууга уонна дьон олоҕун быыһааһыҥҥа ситиһиилээх дьоҥҥо бэриллэр.
Искэн ыарыылаахтар өйөбүлгэ уонна доруобуйаны чөлүгэр түһэриигэ наадыйаллар. Ону учуоттаан, кэнники кэмҥэ диспансер саҥаттан саҥа сүүрээни киллэрэр, ол иһигэр волонтердар аһымал бырайыактара уонна аахсыйалара ыытыллаллар, анал үөрэхтэр, дьаһаллар тэриллэллэр.
Надежда ЕГОРОВА, “Саха сирэ”, edersaas

+1
0
+1
0
+1
0
+1
0
+1
0
+1
0
+1
0