Суоппар куурсугар үөрэммэтэхтэр

Ааптар: 
Бөлөххө киир:

Суоппар кууруһун туоһу суругун сокуоннайа суохтук ыларга киксэрбит биэнсийэлээх дьахтарга суут уурааҕа таҕыста.

edersaas.ru

Ол курдук, 2017 сыллаахха Чурапчы улууһун борокуратуурата Одьулууннааҕы аграрнай техникумҥа суоппар кууруһугар сорох үөрэммэтэх дьоҥҥо «кууруһу бүтэрбит» диэн ис хоһоонноох туоһу суруктары биэрэллэрин быһаарбыт. Холуобунай дьыала тэриллэн, буруйдаах киһи суут иннигэр эппиэттээтэ.

Суут быһаарбытынан, биэнсийэлээх дьахтар кыыһыгар уонна сиэнигэр суоппар кууруһугар үөрэммэккэ эрэ ону бүтэрбиттэрин курдук оҥорор сыалтан, Одьулууннааҕы аграрнай техникумҥа билэр эппиэтинэстээх дьонун киксэрэн, Одьулууҥҥа олорбот уонна куурустарга үөрэммэтэх кыыһыгар уонна сиэнигэр 30 тыһ. солк. харчы төлөөн туран, суоппар кууруһун туһунан икки туоһу суругу ылбыт. Одьулууннааҕы аграрнай техникум докумуоннарыгар ити сиэнэ уонна кыыһа үөрэммиттэрин курдук бары докумуону толорторбут.

Бу биэнсийэлээх дьахтар буруйун билиммитинэн, кэмсиммитинэн, суут борокуруор санаатын ылынан, киниэхэ 10.000 солк. суумалаах ыстараап төлүүргэ уурда уонна холуобунай эппиэтинэстэн босхолоото.

Иван Ядреев, Чурапчы улууһун борокуруора, юстиция сүбэһитэ.

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0