Саха омук сүрүн дьарыгын өрө тутар, тыа хаһаайыстыбатын сайыннарар сыаллаах СӨ тыа хаһаайыстыбатын министиэристибэтэ сыллата «Саҥа саҕалыыр бааһынай хаһаайыстыба» уонна «Дьиэ кэргэн хаһаайыстыбатын сайыннарыы» диэн мөлүйүөнүнэн үптээх граннары олохтообута быйыл алтыс төгүлэ.
«Саҥа саҕалыыр бааһынай хаһаайыстыба» граныгар сылын аайы кыттааччы ахсаана үксээн иһэр. Ол аайы көмө көрүллүүтэ эмиэ элбиир. Холобур, 2012 сыллаахха – 36, 2013 – 50, 2014 – 65, 2015 -167, 2016 – 234, оттон быйыл 381 кыттааччы куонкуруска сайаапкатын биэрдэ. Сунтаартан бу граҥҥа 23 киһи кыттыбыттан алта киһи кыайыылаахтар истэригэр киирдилэр:
-
Маргарита Марковна Кириллина, (Хадан) – ынах сүөһүнү иитиигэ (1500000 солк.)
-
Станислав Иванович Семенов (Сунтаар) – түргэнник ситэр салааҕа (1500000 солк.)
-
Илья Антонович Петров, (Маар Күөл) – сылгыны иитиигэ (1500000 солк.)
-
Семен Валерьевич Попов (Элгээйи) – ынах сүөһүнү иитиигэ (2750000)
-
Николай Васильевич Федотов (Бордоҥ) – ынах сүөһүнү иитиигэ (2750000)
-
Василий Гаврильевич Васильев (Дьааархан) – ынах сүөһүнү иитиигэ (2750000)
«Дьиэ кэргэн хаһаайыстыбатын сайыннарыы» граныгар Сунтаартан үс киһи киирсэн икки кыайыылаах дьиэ кэргэн таҕыстылар:
-
Владимир Егорович Михайлов – Күндэйэ (4400000 солк.)
-
Владимир Егорович Никитин – Уһун Күөл (4400000 солк.)
Бу икки күн устата тэриллибит күрэххэ нэһилиэк бары баһылыктара, исписэлиистэрэ, тыа хаһаайыстыбатын салалтата хаһаайыстыбалаах дьонун өйөөн, улахан көмө буоллулар. Кыайыылаахтары истиҥник эҕэрдэлээн, саха омук сүрүн дьарыгын өссө сайыннаран, ынаҕы, сылгыны үксэтиэххэ, төрүт өбүгэбит дьарыгын өрө тутуохха!
Мария КОБЕЛЬЯНОВА — ТУСКУЛААНА