Сунтаарга оперативнай штаб уочараттаах мунньаҕа ыытылынна...
Олох-дьаһах

Сунтаарга оперативнай штаб уочараттаах мунньаҕа ыытылынна

Кулун тутар 19 күнүгэр  Сунтаар улууһунааҕы оперативнай штаб чилиэннэрэ сүбэ мунньах ыыттылар.

edersaas.ru

Сүбэ мунньахха температураны кээмэйдиир безконтактнай термометр ыларга үлэ ыытылларын иһитиннэрдилэр. Элбэх кыбартыыралаах дьиэлэр подъезтарыгар күннэтэ дезинфекция үлэтэ ыытыллыахтааҕын, хаста үлэ барбытын уонна хас подъезд хабыллыбытын биллэрэллэрэ булгуччулааҕын ыйдылар. Кумааҕы харчы оннугар online баан өҥөтүнэн туһанарга уонна элбэх дьон мустар сирдэригэр сылдьартан туттунарга ыҥырдылар.
Нэһилиэнньэҕэ бородууктаны уонна булгуччулаах туттар маллары дьиэлэригэр илдьэн биэриигэ урбаанньыттардыын бииргэ үлэлиир боппуруостары ырыттылар. Нэдиэлэ аайы бородуукта, табаар сыаналарын уонна саппааһын кэтээн көрүү үлэтэ ыытылларын бэлиэтээтилэр, ону таһынан саас муус устуор диэри улууска табаар уонна бородуукта аҕалыытын былааннаатылар. Билигин ыарыы тарҕаныыта сытыырхайан турар кэмигэр куйаар нөҥүө, ол эбэтэр батсаап уонна инстаграм ситимнэринэн дьиҥэ суох сураҕы тарҕатар дьоҥҥо полиция өттүттэн күүстээх кэтээн көрүү үлэтэ барар, тутуллубут дьон административнай уонна холуобунай эппиэтинэскэ тардыллыахтара.

«Сунтаар улууһа (оройуона)» муниципальнай оройуон дьаһалтатын пресс-сулууспата

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

шестнадцать + три =