Сунтаарга олорор уус алданнар төрдүс сылын уйгулаах сайыны бииргэ көрүстүлэр
edersaas.ru, Анастасия Александрова
Быйылгы тэрээһини Сунтаар нэһилиэгэр олорор биир дойдулаахтар Евдокия Максимова салайыытынан үрдүк таһымнаахтык ыыттылар.
Нэһилиэктэринэн параадтаан киирдилэр, ыллаан-туойан көрсүһүүнү астылар. Араас көрдөөх спортивнай оонньуулар ыытылыннылар, баай талым астаах остуол тардылынна.
Эдэр урбаанньыт, «Zoom» полиграфическай тэрилтэ салайааччыта Роман Уаров туруорбут 10000 солкуобай суумалаах бирииһигэр сыалынан ытыы абсолютнай күрэҕэ сэргэхтик ааста.
Биир дойдулаахтар алаас ахтылҕанын санаһан, күлэн-үөрэн сайыҥҥы саймаархай күнү астына атаардылар.
Анастасия Александрова, edersaas.ru саайтка анаан
+1
+1
+1
+1
+1
+1
+1