Ахсынньы 4-6 күннэригэр Сунтаарга оскуола оҕолорун икки ардыларыгар боксаҕа күрэхтэһии буолан ааста.
Бу үбүлүөйдээх аһаҕас турнир Сунтаар улууһугар бокса тэриллибитин 60 сылыгар ананан арыллыбыта. Күрэхтэһиигэ Ленскэйтэн, Өлөөнтөн, Ньурбаттан, Кэбээйиттэн уонна Анаабыртан 90-тан тахса эдэр спортсменнар кэлэн кытыннылар.
Күрэхтэһии кылаабынай судьуйатынан международнай категориялаах судьуйа Егор Петров буолбута. Турниры Сунтаарга бокса төрүттэниитигэр кыттыыллаах спорт бэтэрээннэрэ Май Павлов, Яков Васильев, Иван Архипов, Николай Сантаев, Егор Петров сэргээн көрдүлэр. Сахалартан маҥнайгыннан СССР спордун маастарын аатын сүкпүт Николай Сантаев этэринэн, тэрээһин олус үчүгэйдик ааспыт. Билиҥҥи оҕолор үчүгэй тиэхиньикэлэрин, кыайыыга дьулуурдарын хайгыы бэлиэтээтэ.
Егор Карпов, edersaas.ru
+1
+1
+1
+1
+1
+1
+1