Улуу Өктөөп бырааһынньыгын сунтаардар сүүһүнэн эр дьон кыттыылаах субуотунньугунан көрүстүлэр. Хара сарсыардаттан 100-тэн тахса эр дьон сүгэ, анньыы, күрдьэх тутуурдаах өрүскэ субуотунньукка киирдилэр.
edersaas.ru, Мария Кобельянова
Бу тэрээһини улуус баһылыга А.В.Григорьев уонна кини бастакы солбуйааччыта Н.П.Александров көҕүлээн «Спецназ Добра Якутии» түмсүү Сунтаардааҕы салаатын иһинэн ыытылынна. Быйыл күн-дьыл туруга сылыйа-сылыйа тымныйан, самыырдаан, өрүс туруутугар соччото суох балаһыанньа үөскээтэ. Ол суотугар киһи да, тимир көлө да сылдьарыгар ыарахаттардаах буолла. Ол гынан баран бу кыһалҕа биир күнүнэн быһаарылынна. Сунтаар, Уустуйа, Күндэйэ эр дьоно ыҥырыыны ылынан, олус элбэх буолан кэлэн, үлэни кыайа-хото туталлара киһи сүргэтин көтөҕөр.
edersaas.ru, Мария Кобельянова
+1
+1
+1
+1
+1
+1
+1