Сунтаар улууһун аҕа баһылыга Анатолий Григорьев «Сургутнефтегаз» хампаанньа бэрэстэбиитэллэрин кытта геологическай-чинчийэр станция тутуутун тула кэпсэтии ыытта.
Мунньахха Сунтаар улууһун баһылыгын бастакы солбуйааччы Николай Александров, баһылыгы экономическай сайдыыга уонна стратегическай былааннааһыҥҥа солбуйааччы Борис Васильев, улуустааҕы депутаттар сэбиэттэрин урбаан уонна туризм хамыыһыйатын бэрэссэдээтэлэ Денис Егоров, социальнай бэлиитикэ уонна экология хамыыһыйатын чилиэнэ Алексей Седалищев уонна Роспотребнадзор, бырамыысыланнас салаата, айылҕа харыстабылын инспекцията, общественнай Сэбиэт бэрэстэбиитэлэ Надежда Львова, «Сургутнефтегаз» хампаанньа бэрэстэбиитэллэрэ – бырайыак докумуонун хонтуруоллуур салаа тутаах инженерэ Юрий Чужеков, скважиналары тутар салаа начальнига Анатолий Федоров, производственнай салаа начальнига Анатолий Федоров кыттыыны ыллылар. Мунньах сүрүн боппуруоһа “Сургутнефтегаз” чинчийии уонна үөрэтии чэрчитинэн, тургутар-чинчийэр станция учаастагар кирдээх ууну хачайдаан таһааран баран, хостон ыраастаан туттар гына носуос оҥоруута буолар.
Мунньах түмүгэр элбэх этиилэр киирдилэр, «Сургутнефтегаз» хампаанньа бэрэстэбиитэллэрэ бөлөх салайааччыларыгар уонна биэдэмэстибэлэр бэрэстэбиитэллэригэр ыйытыктарга тустаах хоруй биэрдилэр, сорохторго салайааччылары кытта тус көрсөн, кыһалҕаларын чопчулаан, туруорсууларын суругунан киллэрэллэригэр сүбэлээтилэр.
«Сунтаар улууhа (оройуона)» муниципальнай оройуон дьаһалтатын пресс-сулууспата.