Бэҕэһээ, муус устар 18 күнүгэр, Сунтаар улууһун Кутанатыттан 3 км тэйиччи сытар «РНГ» баахтабай бөһүөлэккэ икки киһи коронавирус дьаҥыгар уорбаламмытын туһунан сурах тарҕаммыта.
Бүгүн улуус баһылыга Анатолий Григорьев иһитиннэрбитинэн, федеральнай суолга үлэлии кэлбит икки киһи анаалыһа бигэргэтиллибит. Ыалдьыбыт дьон туспа богуоҥҥа бааллар.
Сунтаар улууһун дьаһалтата олохтоохтору хааччахтааһыны тутуһарга ыҥырар: «Олохтоохтор «самоизоляцияны» күүскэ тутуһаргытыгар көрдөһөбүт! Дьиэҕититтэн тахсымаҥ, мааскаҕытыҥ кэтэ сылдьыҥ. Нэһилиэк тас өттүгэр, Сунтаар өттүгэр сырыыны тохтоторгутугар ыҥырабыт. Ылыныллар дьаһаллар бары чөл, доруобай туруктаах буоларбытыгар туһуланалларын сөпкө өйдүүргүтүгэр, карантин хааччахтыыр миэрэлэрин тутуһарбыт наадалааҕын өссө төгүл сэрэтэбит».
edersaas.ru
+1
+1
+1
+1
+1
+1
+1