Дьокуускай Строительнай уокуругар дьиэлэри, уопсастыбаннай сирдэри дезинфекциялыыллар
Дьокуускай куорат Строительнай уокуругун баһылыга Савва Михайлов кэпсииринэн, уокурук элбэх кыбартыыралаах дьиэлэригэр дезинфекция үлэлэрэ кулун тутар ортотуттан ыытыллаллар эбит. Бэҕэһээҥҥиттэн үлэ хайысхата өссө күүһүрбүт.
Бэҕэһээ Ил Дархан Айсен Николаев ыам ыйын 29 күнүттэн бэс ыйын 1 күнүгэр диэри Дьокуускайга коронавирус дьаҥа тарҕамматын туһуттан санитарнай-эпидемиологическай үлэлэр ыытыллаллар диэн бэлиэтээн эппитэ.
Строительнай уокурук сиригэр-уотугар 514 элбэх кыбартыыралаах дьиэ баар. Онтон 192-тэ — таас дьиэ. «Мас дьиэлэргэ нэдиэлэҕэ биирдэ дезинфекция буолар. 17-с кыбаартал старосталара натрий гипохлоритын туһанан бэйэлэрэ үлэни ыыппыттара. Бу дьаһаллаах буолуу үтүө холобура дии саныыбын. Оттон таас дьиэлэргэ үлэ күннэтэ ыытыллар, ол эрээри кыраапыктан кэһиллиилэр эмиэ бааллар, хомойуох иһин«, — диэн уокурук баһылыга Савва Михайлов санаатын үллэһиннэ уонна управа дезинфекциялыыр сириэстибэнэн көмөлөспүтүн бэлиэтээтэ.
+1
+1
+1
+1
+1
+1
+1