Социальнай суолталаах ас-үөл сыанатын үрдэтэн атыылааччылар ыстарааптаныахтарын сөп
Саха Өрөспүүбүлүкэтин Судаарыстыбаннай сыана бэлиитикэтин кэмитиэтэ иһитиннэрэринэн, олоххо тыын суолталаах ас-үөл сыанатыгар киирэр эргиэн ороскуота судаарыстыбанан хонтуруолланар. Тустаах хонтуруол сыана төрүөтэ суох үрдүүрүн хааччахтыыр.
edersaas.ru
Холобур, Нам улууһугар тыын суолталаах ас-үөл кэккэтигэр киирэр:
- Килиэп;
- Бурдук;
- Мас арыыта;
- Саахар;
- Туус;
6.7. Стерилизацияламмыт үүт 2.5%, 3.5%;
8. Рис;
9. Гречка;
10. Маннай куруппа;
11. Сэлиэһинэй;
12. Ынах арыыта;
13. Куурусса сымыыта;
14. Мокоруон;
15.Оҕо аһылыга;
16. Чэй;
17. Эт;
18. Хортуоппуй;
19. Эриэппэ луук;
20. Оҕурсу;
21. Помидор;
22. Биэрэс;
23. Яблоко;
24. Банан;
25.Мандарин.
Өскөтүн сыана бу аска ыараабытын бэлиэтии көрдөххүтүнэ, Сыана бэлиитикэтин кэмитиэтин быһа сибээһигэр 8(4112)508-026 нүөмэргэ сарсыарда 9:00 чаастан киэһэ 18:00 диэри эрийэн, ааккытын-суолгутун толору этэн туран, сыана хайа маҕаһыыҥҥа төһө ыараабытын иһитиннэриэххитин сөп. Маны таһынан табаары атыыласпыт чиэккит баар буолара ордук.
Атыыһыттар болҕомтолоругар: сыананы ыаратан атыылыыр түгэҥҥитигэр, административнай буруйу кэһии кодексын 14.6 ыстатыйатыгар олоҕуран: гражданскай сирэйдэр – 5000 солк., урбаанньыттар – 50 000 солк. ыстарааптаныаххытын сөп.
Төлөпүөнүнэн киирбит бары иһитиннэрии өрөспүүбүлүкэтээҕи уонна оройуоннааҕы Борокуратуура тус хонтуруолугар киирэн миэрэ ылыллыа.
СӨ Сыана бэлиитикэтин кэмитиэтэ