Сотору спутниктан салайыллар робот тырааныспар кэлиэҕэ

Бөлөххө киир:

Илиҥҥи экономическай форум чэрчитинэн Арассыыйатааҕы венчурнай хампаанньа уонна СӨ Бырабыыталыстыбата өрөспүүбүлүкэҕэ саҥа цифровой бырайыактары олоххо киллэрэргэ сөбүлэһии түһэристилэр. Докумуоҥҥа РВК генеральнай дириэктэрэ Александр Повалко уонна Ил Дархан Айсен Николаев илии баттаатылар.

edersaas.ru

Национальнай технологическсай көҕүлээһин быһыытынан биһиэхэ бэрт сотору кэминэн робот ыытар тырааныспара, нейротехнология, персонализированнай медицина, интеллектуальнай энергетика баар буолуоҕа. Технологическай күрэхтэр, проектнай сессиялар ыытыллыахтара.

«Эрэгийиэннэр НТК бэбиэскэтигэр кыттыһан, цифровой экономиканы олоххо киллэрэргэ урбаанньыттар түмсүүлэрин өйөөн эрэллэр. Сахабыт сиригэр технологическай салаанан инновационнай урбаан сайдарыгар усулуобуйа барыта баар. Бу ырыынагы үлэлэтэн, инники күөҥҥэ тахсар кыах өрөспүүбүлүкэҕэ баар», — диэн эттэ Александр Повалко.

Айсен Николаев: «Дьокуускай куораты биһиги билигин Уһук Илин эргимтэҕэ IT-киин куоратын курдук көрдөрөбүт. Аан дойду таһымыгар үлэлиир биир да хампаанньа суох буолан, кэлэр биэс сылга дойду үрдүнэн бу эйгэҕэ бастыҥнар ахсааннарыгар киирэр санаалаахпыт», — диэн бэлиэтээтэ.

Бастатан туран, хоту оройуоннарга таһаҕаһы тиэйэргэ саҥа спутниктар ситимнэрин тэрийэн, киһи уруулга олоруута суох ыраахтан IT технология көмөтүнэн тырааныспары салайан, табаары тиэрдэн биэриэхтэрэ. «Сахабыт сирин бөһүөлэктэригэр оттугу биир сыл, эбэтэр 6 ый инниттэн тиэйэллэр. Бу бырайыак олоххо киирдэҕинэ, хоту табаары тиэйии ороскуота аччыа дии саныыбын», — диэн Ил Дархан санаатын үллэһиннэ.

Марианна Тыртыкова, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0