Саха сирин бүддьүөтүн туһунан сокуоҥҥа уларытыылары киллэрдилэр...
·

Саха сирин бүддьүөтүн туһунан сокуоҥҥа уларытыылары киллэрдилэр

Бэс ыйын 18 күнүгэр Судаарыстыбаннай Мунньах (Ил Түмэн) ахсыс (уочараттаах) пленарнай мунньаҕын кэмигэр “2019 сылга уонна 2020, 2021 сыллардааҕы былааннаммыт кэмҥэ Саха Өрөспүүбүлүкэтин судаарыстыбаннай бүддьүөтүн туһунан” өрөспүүбүлүкэтээҕи сокуоҥҥа уларытыылары киллэрдилэр.

Саха сирин үбүн миниистирэ Валерий Жондоров этэринэн, докумуон 2019 сылга уонна 2020, 2021 сс. былааннаммыт кэмҥэ өрөспүүбүлүкэ социальнай-экэнэмиичэскэй сайдыытын сүрүн көрдөрүүлэрин барыллаан сыаналааһыны чопчуламмытынан, федеральнай бүддьүөттэн субсидиялары, субвенциялары уонна бүддьүөтү таһынан атын трансфертары тыырыллан, судаарыстыба бүддьүөтүгэр судаарыстыбаннай уонна судаарыстыбаннайа суох тэрилтэлэртэн босхо киирэр, ол иһигэр Дьиэ-уот хомунаалынай хаһаайыстыбатын уларыта тутарга көмөлөһөр фондатта киирэр үптэн сылтаан оҥоһулунна.

“2019 сылга судаарыстыбаннай бүддьүөт дохуоттарын уопсай кээмэйэ 8 млрд 452 мөл солкуобайынан улаатта уонна сабаҕалааһын быһыытынан 212 млрд 301 мөл солкуобайга тэҥнэһиэҕэ”, — диэтэ Саха сирин үбүн министиэристибэтин баһылыга.

Түһээн дохуоттарын сабаҕалааһын көрдөрүүлэрэ 1 млрд 417 мөл солкуобайынан улаатта уонна 107 млрд 322 мөл солкуобайга тэҥнэһэр. “Босхо киирэр үп 6 млрд 819 мөл солкуобайынан улаатыа уонна 83 млрд 572 мөл солкуобайга тэҥнэһиэҕэ”, — диэн миниистир Жондоров бэлиэтээтэ.

2020 сылга өрөспүүбүлүкэ судаарыстыбаннай бүддьүөтүн дохуоттарын уопсай кээмэйэ 3 млрд 956 мөл солк. улаатта, 2021 сылга 4 млрд 755 мөл солк. улаатта.
Ороскуот чааһын сүрүн уларыйыылара босхо киирэр үп суота үрдээһинин кытта сибээстээх. “Итинтэн 4 млрд 960 мөл солкуобайы биһиги дьону саахалланар туруктаах дьиэттэн көһөрүүгэ көрөбүт. Бу үбү Арассыыйа Федерациятын Бырабыыталыстыбата ОДьКХ-ҕа көмөлөһөр фонда нөҥүө тыырбыта”, — диэтэ Валерий Жондоров.

Түһээнтэн киирэр дохуот суотугар 1 млрд 866 мөл солк. эбиллии тумус тутуллар тэрээһиннэргэ, ол иһигэр 402 мөл солк. суума экэниэмикэ бүддьүөт секторын үлэһиттэрин хамнастарын үрдэтиигэ уонна Саха сирин хамнас алын кээмэйигэр ыытыллыаҕа.

Маны сэргэ биэс оҕолоох уонна мантан элбэх саастарын ситэ илик оҕолордоох элбэх оҕолоох ыаллары олорор дьиэнэн хааччыйыы ороскуота үрдээтэ; бастакы оҕолорун төрөппүт дьахталларга биир кэмнээх босуобуйаны төлөөһүҥҥэ тэрээһиннэри өйөөһүҥҥэ, ону тэҥэ үһүс уонна онтон элбэх оҕоломмуттарга ыйдааҕы босуобуйаҕа.

2020 сылга ороскуот кээмэйэ 3 млрд 954 мөл солкуобайынан улаатыаҕа, 2021 сылга 4 млрд 753 мөл солкуобайынан.

Өрөспүүбүлүкэ судаарыстыбаннай бүддьүөтүн дефицитэ 2019 сылга 1,5 мөл солкуобайынан аччаата уонна 9 млрд 987 мөл солк. тэҥнэһэр. 2020 уонна 2021 сылларга дефицит кээмэйэ 1,5 мөл солк. аччаата.

Саха Өрөспүүбүлүкэтин Ил Дарханын уонна

Саха Өрөспүүбүлүкэтин Бырабыыталыстыбатын пресс-сулууспата.

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

четыре × три =