Атырдьах ыйын 10-13 күннэригэр Смоленскайга, “Юбилейнай” Спорт дыбарыаһыгар дьахталлар ортолоругар көҥүл тустууга Арассыыйа чөмпүйэнээтэ буолар. Онно саха тустууга оскуолатын түөрт иитиллээччитэ кыттар.
Түһүлгэҕэ Саха сирин аатыттан дойдуга бастыыр иһин күрэс кыайыылааҕа, 20-гэр диэри саастаахтарга Европа чөмпүйэнээтин кыттыылааҕа Алина Казымова (59 кг), дойду күрэхтэһиитин призера Ирина Афанасьева (62 кг), Уһук Илиҥҥи уокурук чөмпүйүөннэрэ Александра Карамзина (53 кг) уонна Валерия Сигаева (55 кг) тустуохтара.
Тириэньэр Ким Колодезников иитиллээччилэрин сүрүн сыалынан кырата биир мэтээли ылыы уонна дойду сүүмэрдэммит хамаандатыгар киирии буоларын иһитиннэрдэ. Бу күрэхтэһии түмүгүнэн алтынньыга Будапешка буолар аан дойду чөмпүйэнээтигэр кыттар хамаанда сүүмэрдэниэҕэ.
Роман ПОПОВ, «Саха сирэ» хаһыат, edersaas.ru
+1
+1
+1
+1
+1
+1
+1