SMART бибилэтиэкэ босхо куурустарга ыҥырар

Ааптар: 
Бөлөххө киир:

Англия, саха тыла, дьон иннигэр саҥа үөрэнии, актер маастарыстыбата, режиссура уонна киинэ тутула, видеомонтаж – бу барыта буор босхо! SMART бибилэтиэкэҕэ бастайааннай куурустарга дьону ылыы салҕанар.

“Саха сирэ” хаһыат, edersaas.ru

SMART бибилэтиэкэ аһыллыаҕыттан саҕаламмыт сайыннарар куурустары куорат олохтоохторо, оҕо аймах биһирээтэ. Оскуола иннинээҕи уонна оскуола саастаах оҕолор англия тылын үөрэтэр куурустарга үөрүүнэн кэлэллэр. Ордук элбэх киһи муусука, ону тэҥэ, улахаттарга аналлаах дьон иннигэр саҥарарга үөрэтэр уонна көмпүүтэри баһылыырга уһуйар куурустарга сөбүлээн сылдьаллар.

Быйылгыттан режиссура уонна киинэ тутула, видеомонтаж куурустара эбиллэн биэрдилэр.

Дмитрий Горбов, видеомонтаж кууруһун преподавателэ:

Билигин киһи барыта дьиэ кэргэн умнуллубат видеоларын архыып гына үйэтитиэн баҕарар. Ол эрээри, хайдах сөпкө устары, таҥары киһи барыта билэр буолбатах. Биһиги кууруспутугар кэлбит дьоҥҥо видеокамераны сөпкө туттарга, тиэхиньикэни сөпкө туруоран биэрэргэ,  композицияны туһанарга, устуудьуйаҕа, дьиэҕэ сырдыгы хайдах туһанарга үөрэтэбит. Дьарык үксэ быраактыка. Куурус түмүгэр хас биирдии киһи бэйэтэ ролик устар, таҥар кыахтанар.

Тас дойдуга барарга уонна айанньыт англия тылынан быһаарсарыгар Англия тылын эбии кууруһа көмөлөһүөҕэ. Кырачааннары оскуолаҕа биһиги библио-ньээҥкэлэрбит бэлэмниэхтэрэ.

Дария Федорова, оскуолаҕа бэлэмниир куурус преподавателэ:

—  “Оскуолаҕа киирэргэ бэлэмнэнии” кууруһугар хайаан даҕаны остуолга олорон эрэн үөрэниэхтээххин диэн күһэйии суох, чуҥкук дьарыктар суохтар, ол оннугар үөрэнэн аралдьыйыы баар. Оҕолор болҕомтолоох буоларга, кэпсэтэ, ахсаан суоттуу, кырааматаҕа үөрэнэллэр.

Санатан эттэххэ, ый аайы саҥа бөлөхтөргө ылабыт, куурустар эбиллэн иһэллэр. Сотору кэминэн видеоблогер, хомус куурустарын хаттаан эргитиэхпит, программирование, уо.д.а. куурустарга сурутуу саҕаланыаҕа.

Кууруска ыйыллыбыт сигэнэн киирэн сурутар ирдэнэр https://docs.google.com/forms/d/1Az4KrejLtwvwAHWEqC8x7Xw9TiRTId6o4IgsgT7rLAY/edit

Дьарыкка сылдьарга ааҕааччы билиэтин толотторор ирдэнэр. Куорат олохтоохторун, ыалдьыттарын SMART бибилэтиэкэҕэ күүтэбит!

Үлэлиир кэмэ:

оптуорунньук-бээтинсэ — 10:00-20:00

субуота-өрөбүл —11:00-18:00

Аадырыспыт: Ларионов аатынан уулусса 12А нүөмэрдээх дьиэтэ (хаҥас өттө).

edersaas.ru

+1
0
+1
0
+1
0
+1
0
+1
0
+1
0
+1
0